കണ്ണൂരിൽ ഒരു കൊവിഡ് മരണം കൂടി; മരണമടഞ്ഞത് കൂത്തുപറമ്പ് സ്വദേശി

കണ്ണൂര്‍: കണ്ണൂരിൽ ഒരു കൊവിഡ് മരണം കൂടി. കൂത്തുപറമ്പ് സ്വദേശി സിസി രാഘവനാ (71) ണ് മരണമടഞ്ഞത്. വൃക്ക സംബന്ധമായ അസുഖത്തിന് പരിയാരത്തെ കണ്ണൂർ ഗവ. മെഡിക്കല്‍ കോളേജില്‍ ചികിത്സയിലിരിക്കെയാണ് രാഘവന്‍ കൊവിഡ് ബാധിച്ച് മരിച്ചത്. ഇദ്ദേഹത്തിന്‍റെ ഭാര്യക്കും മകനും നേരത്തെ കൊവിഡ് സ്ഥിരീകരിച്ചിരുന്നു. രാഘവന്‍റെ സംസ്‌കാരം കൊവിഡ് പ്രോട്ടോക്കോള്‍ പാലിച്ചുകൊണ്ട് നടത്തി.

Also Read: കല്ലമ്പലത്ത് എട്ടുവയസുകാരിയെ പീഡിപ്പിച്ച കേസില്‍ യുവാവ് അറസ്റ്റില്‍

ഇതിനു സമാനമായി കഴിഞ്ഞ ദിവസം ഇരിട്ടിയിലും കൊവിഡ് വൈറസ് രോഗംബാധിച്ച് ചികിത്സയിലായിരുന്ന വയോധികൻ മരണമടഞ്ഞിരുന്നു. ഇരിട്ടി പൈസക്കരിയിലെ വെൺമരക്കോട്ടിൽ വർഗീസാണ്(90) മരിച്ചത്. ഹൃദയ സംബന്ധമായ അസുഖത്തെ തുടർന്ന് മൂന്നാഴ്ച മുൻപേ പരിയാരത്തെ കണ്ണൂർ ഗവ.മെഡിക്കൽ കോളേജ് ആശുപത്രിയിൽ പ്രവേശിപ്പിച്ചിരുന്നു. ഇവിടെ നിന്നാണ് ഇദ്ദേഹത്തിന് രോഗം പിടിപ്പെട്ടത്. വർഗീസിന് ശ്വാസകോശ സംബന്ധമായ അസുഖവുമുണ്ടായിരുന്നു.

Also Read: കാസര്‍കോട്ടെ പുഴകള്‍ കരകവിഞ്ഞു; വനത്തില്‍ ഉരുള്‍ പൊട്ടല്‍, പലപ്രദേശങ്ങളും വെള്ളത്തിനടിയില്‍

ഭാര്യ:ബ്രിജീത്ത(വട്ടക്കുന്നേൽ കുടുംബാംഗം). മക്കൾ: റോയി, ബൈജു, ഫാ.സുനിൽ വർഗീസ്(പൂനെ), ജിഷോ. മരുമക്കൾ: സിന്ധു,മിനി,ശാലു. പൈസക്കരി ദേവമാതാ ഫേറോന ചർച്ചിലെ സെമിത്തേരിക്ക് സമീപം പ്രത്യേകം സജീകരിച്ച സ്ഥലത്ത് കോവിഡ് മാനദണ്ഡങ്ങളോടെ സംസ്കരിച്ചു.കണ്ണൂർ മെഡിക്കൽ കോളേജിൽ വിവിധ അസുഖങ്ങൾക്കായി പ്രവേശിപ്പിക്കുന്നവർക്ക് കൊ വിഡ് ബാധിക്കുന്നത് കുടി വരികയാണ്.കഴിഞ്ഞ ദിവസം നീലേശ്വരം സ്വദേശിയായ ഒരു വയോധികനും കണ്ണൂർ ഗവ.മെഡിക്കൽ കോളേജിൽ നിന്നും മരണമടഞ്ഞിരുന്നു.