കണ്ണൂര്: കണ്ണൂര് സെന്ട്രല് ജയിലില് കാപ്പ തടവുകാര് പരസ്പരം ഏറ്റുമുട്ടുന്നതിന് പുറമെ തീവ്രവാദകേസുകളിലെ പ്രതികളുടെ ഭീഷണി ജയില് ഉദ്യോഗസ്ഥര്ക്ക് നേരെയും. ആയിരത്തിലധികം തടവുകാരുളള കണ്ണൂര് സെന്ട്രല് ജയിലിലെ സ്ഥിതി ഗതികള് വഷളായിരിക്കുകയാണ്. വന്സുരക്ഷാ ഭീഷണിയാണ് കണ്ണൂര് സെന്ട്രല് ജയിലില് നിലനില്ക്കുന്നത്. കണ്ണൂര് സെന്ട്രല് ജയിലിലെ ഉദ്യോഗസ്ഥനെ കഴുത്തറത്തു കൊല്ലുമെന്നാണ് എന്. ഐ. എ കേസിലെ തീവ്രവാദ സംഘടനയുമായി ബന്ധമുളള തടവുകാരന്റെ ഭീഷണി. കണ്ണൂര് നാറാത്ത് സ്വദേശി മുഹമ്മദ് പോളക്കണ്ടിയാണ് ജയിലുദ്യോഗസ്ഥനെ ഭീഷണിപ്പെടുത്തിയത്. ഇയാള്ക്കെതിരെ ജോയന്റ് സൂപ്രണ്ട് കണ്ണൂര് ടൗണ് പോലീസില് നല്കിയ പരാതിയെ തുടര്ന്ന് പോലീസ് കേസെടുത്തിട്ടുണ്ട്. വെളളിയാഴ്ച്ച ഉച്ചയോടെയാണ് സംഭവം. പ്രാര്ത്ഥനയ്ക്കു വിട്ട രീതി ശരയല്ലെന്നു ആരോപിച്ചാണ് മുഹമ്മദ് പരസ്യമായി ജയില് ഉദ്യോഗസ്ഥനെ കഴുത്തറത്തു കൊല്ലുമെന്ന് ഭീഷണിപ്പെടുത്തിയത്. ഇയാളാടക്കം ഹര്ത്താല് ദിവസം അക്രമം അഴിച്ചുവിട്ട നിരവധി പോപ്പുലര് ഫ്രണ്ട് പ്രവര്ത്തകര് കണ്ണൂര് സെന്ട്രല് ജയിലിലുണ്ട്. ഇവര് മറ്റു രാഷ്ട്രീയ തടവുകാരുമായി ഏറ്റുമുട്ടുന്നതും സംഘടിതരായി ജയില് ഉദ്യോഗസ്ഥരെ ഭീഷണിപ്പെടുത്തുകയും ചെയ്യുന്നത് പതിവാണ്.
കഴിഞ്ഞ ദിവസം ഇവരും ഒരു പ്രത്യേക രാഷ്ട്രീയ പാര്ട്ടിയുടെ പ്രവര്ത്തകരായ തടവുകാരും തമ്മില് ഏറ്റുമുട്ടലും നടന്നിരുന്നു. ഇവരെ പാര്പ്പിച്ച സെല്ലിന്റെ പരിസരത്തു നിന്നും മൊബൈല് ഫോണുകളും പിടിച്ചെടുത്തിരുന്നു. ജോര്ജിയയില് തീവ്രവാദസംഘടനയായ ഇസ്ലാമിക് സ്റ്റേറ്റില് ചേരാന് പോയ മതതീവ്രവാദ സംഘടനയിലെ അംഗമാണ് മുഹമ്മദ് പോളക്കണ്ടി. ഐ. എസ് ബന്ധം തെളിഞ്ഞതിനെ തുടര്ന്നാണ് ദേശീയ അന്വേഷണ ഏജന്സി ഇയാളെ പിടികൂടുന്നത്. യു. എ.പി. എ ചുമത്തി കണ്ണൂര് സെന്ട്രല് ജയിലിലെ അതീവസുരക്ഷാ സംവിധാനമുളള പത്താംബ്ളോക്കിലാണ് ഇയാളെ പാര്പ്പിച്ചിരിക്കുന്നത്. ജയില് ഉദ്യോഗസ്ഥനെ ഭീഷണിപ്പെടുത്തിയ കേസില് മുഹമ്മദ് പോളക്കണ്ടിയെ ചോദ്യം ചെയ്യുമെന്ന് കണ്ണൂര് ടൗണ് പൊലിസ് അറിയിച്ചു.
കണ്ണൂര് ജില്ലയിലെ മുഴുവൻ വാര്ത്തകളും ഒറ്റ ക്ലിക്കിൽ ഇവിടെ വായിക്കാം
Read Latest Local News and Malayalam News
കഴിഞ്ഞ ദിവസം ഇവരും ഒരു പ്രത്യേക രാഷ്ട്രീയ പാര്ട്ടിയുടെ പ്രവര്ത്തകരായ തടവുകാരും തമ്മില് ഏറ്റുമുട്ടലും നടന്നിരുന്നു. ഇവരെ പാര്പ്പിച്ച സെല്ലിന്റെ പരിസരത്തു നിന്നും മൊബൈല് ഫോണുകളും പിടിച്ചെടുത്തിരുന്നു. ജോര്ജിയയില് തീവ്രവാദസംഘടനയായ ഇസ്ലാമിക് സ്റ്റേറ്റില് ചേരാന് പോയ മതതീവ്രവാദ സംഘടനയിലെ അംഗമാണ് മുഹമ്മദ് പോളക്കണ്ടി. ഐ. എസ് ബന്ധം തെളിഞ്ഞതിനെ തുടര്ന്നാണ് ദേശീയ അന്വേഷണ ഏജന്സി ഇയാളെ പിടികൂടുന്നത്. യു. എ.പി. എ ചുമത്തി കണ്ണൂര് സെന്ട്രല് ജയിലിലെ അതീവസുരക്ഷാ സംവിധാനമുളള പത്താംബ്ളോക്കിലാണ് ഇയാളെ പാര്പ്പിച്ചിരിക്കുന്നത്. ജയില് ഉദ്യോഗസ്ഥനെ ഭീഷണിപ്പെടുത്തിയ കേസില് മുഹമ്മദ് പോളക്കണ്ടിയെ ചോദ്യം ചെയ്യുമെന്ന് കണ്ണൂര് ടൗണ് പൊലിസ് അറിയിച്ചു.
കണ്ണൂര് ജില്ലയിലെ മുഴുവൻ വാര്ത്തകളും ഒറ്റ ക്ലിക്കിൽ ഇവിടെ വായിക്കാം
Read Latest Local News and Malayalam News