സ്വര്‍ണം ദാനം ചെയ്താൽ സ്വ‍ര്‍ഗത്തിൽ പോകാം..! മദ്രസയുടെ മറവിൽ തട്ടിപ്പ്; ഒടുവിൽ ബുള്ളറ്റ് ഉസ്താദ് അറസ്റ്റിൽ

കണ്ണൂർ: വിദ്യാർഥികളെ കബളിപ്പിച്ച് സ്വർണാഭരണങ്ങൾ തട്ടിയെടുത്തു മുങ്ങിയ ബുള്ളറ്റ് ഉസ്താദ് പിടിയിലായി. ഇരിട്ടി ഉളിക്കലിൽ ഒരു പള്ളിയുടെ ഭാഗമായ മദ്രസയിൽ മതപഠനത്തിനെത്തിയ വിദ്യാർഥികള കബളിപ്പിച്ചാണ് ഇയാൾ സ്വർണം തട്ടിയെടുത്തത്. വിദ്യാര്‍ഥികളെ പലതും പറഞ്ഞ് വിശ്വസിപ്പിച്ച് വീടുകളില്‍ നിന്നും പണവും സ്വര്‍ണവും തട്ടിയെടുത്തെന്ന പരാതിയിലാണ് മദ്രസ അധ്യാപകന്‍ അറസ്റ്റിലായത്.

Also Read: കതിരൂരിലെ ബോംബ് സ്ഫോടനം; ഷംസീര്‍ എംഎല്‍എക്കെതിരെ ആരോപണവുമായി കോൺഗ്രസും ബിജെപിയും

കണ്ണൂര്‍ ഉളിക്കല്‍ സ്വദേശി അബ്ദുള്‍ കരീമിനെ (53) യാണ് ഇരിട്ടി പോലീസ് അറസ്റ്റ് ചെയ്തത്. തൻ്റെ കുട്ടിയിൽ നിന്നും 12 പവന്‍ സ്വര്‍ണം തട്ടിയെടുത്തെന്ന ഒരു രക്ഷിതാവിന്റെ പരാതിയിലാണ് അറസ്റ്റ്. മുഹമ്മദ് നബിയെ സ്വപ്നത്തില്‍ പ്രത്യക്ഷപ്പെടുത്തി തരാമെന്ന് പ്രലോഭിപ്പിച്ചാണ് ഇയാള്‍ പണവും സ്വര്‍ണവും തട്ടിയെടുത്തതെന്ന് ഉളിക്കൽ പോലീസ് പറഞ്ഞു. സ്വര്‍ഗത്തില്‍ പോകണമെങ്കില്‍ പണവും സ്വര്‍ണവും ദാനം ചെയ്യണമെന്നും ഇയാള്‍ കുട്ടികളെ വിശ്വസിപ്പിച്ചു. സ്വര്‍ണം വീട്ടില്‍ നിന്ന് എടുത്ത് നല്‍കിയ കാര്യം പുറത്ത് പറഞ്ഞാല്‍ മാതാപിതാക്കളുടെ തലപൊട്ടിത്തെറിക്കുമെന്ന് പ്രതി കുട്ടികളെ ഭീഷണിപ്പെടുത്തുകയും ചെയ്തിരുന്നു. കൂടുതല്‍ പേര്‍ തട്ടിപ്പിനിരയായതോടെയാണ് രക്ഷിതാക്കൾക്ക് സംശയമുണ്ടായത്. ഇതോടെയാണ് ഇരിട്ടി പോലിസിൽ പരാതി നൽകിയത്.

Also Read: മാക്കൂട്ടത്ത് പിടിയിലായ കവര്‍ച്ചാ സംഘത്തില്‍ എഞ്ചിനീയറിംഗ് വിദ്യാര്‍ത്ഥികളും; ലഹരിമാഫിയ ബന്ധം അന്വേഷിക്കും

പോലീസ് നടത്തിയ അന്വേഷണത്തിനിടെയാണ് ഉസ്താദ് മുങ്ങിയത്. നാട്ടിലുള്ള ഇയാളുടെ രണ്ടാം ഭാര്യയെ ഫോൺ വഴി ബന്ധപ്പെട്ടുവെന്ന സൂചന ലഭിച്ചതിനെ തുടർന്നാണ് അറസ്റ്റു ചെയ്തത്. എന്നും ബുള്ളറ്റിൽ സഞ്ചരിച്ച ഇയാൾ ആഡംബര ജീവിതമാണ് നയിച്ചിരുന്നത്. ബുള്ളറ്റ് ഉസ്താദ് എന്ന പേരിലാണ് അറിയപ്പെട്ടിരുന്നത്. പിടിയിലായ പ്രതിയെ കൂടുതൽ ചോദ്യം ചെയ്തതിനു ശേഷം കോടതിയിൽ ഹാജരാക്കി റിമാൻഡ് ചെയ്തു.

Also Read: കതിരുർ സ്ഫോടനം; രാഷ്ട്രീയ സമ്മർദ്ദത്തെ മറികടന്ന് പോലീസ് അന്വേഷണം ശക്തം, കണ്ണ് തകർന്ന സിപിഎം പ്രവർത്തകൻ റിമാൻഡിൽ


കണ്ണൂർ ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ


കണ്ണൂർ ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ