യതീഷ് ചന്ദ്രയുടെ പേരിൽ വ്യാജ വാട്സ് ആപ്പ് ഗ്രൂപ്പുണ്ടാക്കി തട്ടിപ്പ്; അപമാനിച്ചെന്ന പരാതിയുമായി യുവതി രംഗത്ത്, യുവാവ് അറസ്റ്റില്‍

കണ്ണൂര്‍ : കണ്ണൂർ ജില്ലാ പൊലിസ് മേധാവി യതീഷ് ചന്ദ്രയുടെ വാട്ട്സ്ആപ്പ് സ്റ്റാറ്റസ് ചിത്രമിട്ടതിനു ശേഷം വ്യാപക തട്ടിപ്പ് നടത്തിയ വിരുതനെതിരെ കണ്ണൂർ ടൗൺ പോലിസ് കേസെടുത്തു. എസ്പിയുടെ പേരിൽ രൂപീകരിച്ച വാട്സ് ആപ്പ് ഗ്രൂപ്പ് വഴി ഒരു യുവതി തന്നെ അപമാനിച്ചുവെന്ന് നൽകിയ പരാതിയിലാണ് കണ്ണൂര്‍ ടൗണ്‍ പോലീസ് കേസെടുത്തത്. കഴിഞ്ഞ മെയ് മാസം മുതൽഫേസ് ബുക്കിൽ കണ്ണൂര്‍ ജില്ലാ പോലീസ് മേധാവിയുടെ പേരില്‍ വ്യാജമായി ‘യതീഷ് ചന്ദ്ര ഐപിഎസ്‌ ഫാൻസ്’ എന്ന ഫെയ്സ് ബുക്ക് പേജ് ഉണ്ടാക്കുകയായിരുന്നു.

Also Read: പമ്പില്‍ വരുന്ന ഓട്ടോകള്‍ക്കെല്ലാം സൗജന്യ ഇന്ധനം; യുവാവ് കൈമാറിയത് ഒരു ലക്ഷം, പുലിവാല് പിടിച്ച് വീട്ടുകാരും പമ്പുടമയും

ഈ ഗ്രൂപ്പിൽ പരാതിക്കാരിയായ സ്ത്രീയെ ഉള്‍പ്പെടെ നിരവധി പേരെ അംഗങ്ങളാക്കുകയും ശേഷം ഇതിലെ മെമ്പർമാരെ ഉള്‍പ്പെടുത്തി വ്യാജമായി വാട്ട്സാപ്പ് ഗ്രൂപ്പ് ഉണ്ടാക്കിയതിനു ശേഷം എസ്പിയുടെ പേരിൽ നിരവധി ശബ്ദ സന്ദേശങ്ങളടക്കം കൈമാറുകയായിരുന്നു. ഇതിനിടെ അഡ്മിനായ യുവാവ് പരാതിക്കാരിയെ അതില്‍ അംഗമാക്കുകയും തുടർന്ന് പരാതിക്കാരിയോട് താൻ വിവാഹം കഴിക്കട്ടെ എന്ന് പറഞ്ഞ് വാട്സപ്പിൽ കൂടി അപകീർത്തിപ്പെടുത്തുകയും ചെയ്തുവെന്നും പറയുന്നു.

Also Read: പൊറോട്ട പ്രിയര്‍ക്ക് ആസ്വദിക്കാന്‍ 'പൊറോട്ട' പാട്ടുമായി ഒരു കൂട്ടം യുവാക്കള്‍, വ്യത്യസ്ത പ്രതിഷേധം... വൈറലായി മല്ലു കഫെ!

ഇവരെ വിവിധ കാര്യങ്ങൾ പറഞ്ഞ് ഭീഷണിപ്പെടുത്തുകയും പതിനായിരം രൂപ ആവശ്യപ്പെടുകയും ചെയ്ത തായും പറയുന്നു.കണ്ണൂര്‍ ടൌണ്‍ പോലീസ് പാലക്കാട് ജില്ലയിലെ കന്ദളം കയരാടി പുത്തൻവീട്ടിൽ
ജിബിൻ ബിജു എന്നയാൾക്കെതിരെയാണ് കേസെടുത്ത് അന്വേഷണം നടത്തി വരുന്നത്. പല പ്രമുഖ വ്യക്തികളുടെയും പേരില്‍ അവര്‍ അറിയാതെ ഇത്തരം നിരവധി വ്യാജ ഫേസ് ബുക്ക് പേജകളും വാട്സാപ്പ് ഗ്രൂപ്പുകളും ഇന്‍സ്റ്റഗ്രാം അക്കൌണ്ടുകളും ഫാന്‍സ് അസോസിയേഷന്‍ എന്ന പേരില്‍ വ്യാജമായി സൃഷ്ട്ടിച്ചു പൊതുജനങ്ങളെ വഞ്ചിതരാക്കുന്നതായി കണ്ടെത്തിയിട്ടുണ്ട്. ഇത്തരം വ്യാജ സോഷ്യല്‍ മീഡിയ അക്കൌണ്ടുകള്‍ വഴി പൊതുജനങ്ങള്‍ വഞ്ചിതരവാതിരിക്കാന്‍ ശ്രദ്ധിക്കണമെന്ന് ജില്ലാ പോലീസ് അറിയിച്ചു.നേരത്തെ യതീഷ് ചന്ദ്രയുടെ പേരിൽ ആ വി പിടിച്ചാൽ കൊവിഡ് മാറുമെന്ന് വ്യാജ ശബ്ദ സന്ദേശം പ്രചരിപ്പിച്ചതിനും കേസെടുത്തിരുന്നു.