ഡ്രാഗൺ ഫ്രൂട്ട് കൃഷിയിൽ വിജയം കൊയ്ത് കണ്ണൂരിൽ നിന്നൊരു പോലീസുകാരൻ, വീഡിയോ കാണാം

കണ്ണൂർ: ഇരിട്ടിക്കടുത്ത പാറക്കണ്ടത്ത് ഡ്രാഗൺ ഫ്രൂട്ട് കൃഷി ചെയ്ത് വിജയം കൈവരിച്ചിരിക്കയാണ് കണ്ണൂർ ക്രൈംബ്രാഞ്ച് എസ് ഐ റാഫി അഹമ്മദ്. ലോക്ക് ഡൗൺ സമയത്തിനുശേഷം 2000 ജൂൺ മാസത്തിലാണ് റാഫി ഡ്രാഗൺ ഫ്രൂട്ട് കൃഷിയിലേക്ക് തിരിഞ്ഞത്. തൃശ്ശൂരിൽ നിന്നും കൊണ്ടുവന്ന ഡ്രാഗൺ ഫ്രൂട്ട് തൈകൾ പ്രത്യേകം തയ്യാറാക്കിയ രീതിയിൽ നട്ട് ജൈവവള പരിപാലനം നടത്തി രണ്ടുവർഷത്തിനുള്ളിൽ തന്നെ അതിൽനിന്നും ഡ്രാഗൺ ഫ്രൂട്ട് ഫലങ്ങൾ ലഭിക്കാനും തുടങ്ങി.

Also Read: ഒരക്ഷരം മിണ്ടിയാൽ കടക്ക് പുറത്ത്; കണക്ക് പുറത്ത് വിട്ടാൽ പാർട്ടിക്ക് പുറത്ത്? കുഞ്ഞികൃഷ്ണനും സംഘത്തിനുമെതിരെ അച്ചടക്കനടപടിയുടെ ബുള്‍ഡോസര്‍ വരുന്നു

പോലീസ് ഡിപ്പാർട്ട്മെന്റിൽ ജോലി ചെയ്യുന്നത് കൊണ്ട് തന്നെ റാഫിക്ക് കൃഷിയുമായി ഇടപഴകാനുള്ള സമയം വളരെ കുറവാണ്. ഒഴിവ് സമയങ്ങൾ മുഴുവൻ കൃഷിയുമായി ഇടപഴകുന്നുണ്ടെങ്കിലും ഭാര്യ റൈഹാനത്തും ഉമ്മ സൈനബയും ആണ് ഡ്രാഗൺ ഫ്രൂട്ടിന്റെ പരിപാലകർ.
റാഫി അഹമ്മദിന്റെ ഡ്രാഗൺ ഫ്രൂട്ട് കൃഷിയിടത്തിൽ പ്രധാനമായും രണ്ടുതരം ഡ്രാഗൺ ഫ്രൂട്ടുകളാണ് കൃഷി ചെയ്തിരിക്കുന്നത്. മെക്സിക്കൻ റെഡ്, മലേഷ്യൻ റെഡ് എന്നീ വിഭാഗത്തിൽ പെടുന്ന ഈ ഫ്രൂട്ടുകൾ മറ്റുള്ളവയെക്കാളും മധുരം കൂടുതൽ ഉള്ളവയാണ്.

Also Read: വീണ്ടും കൂട്ടബലാത്സംഗം; കാറിനകത്ത് അമ്മയ്ക്കും 6 വയസുള്ള മകൾക്കുമെതിരെ ക്രൂര പീഡനം

ജൈവ കൃഷിരീതിയാണ് ഈ കൃഷിയിടത്തിലെ പ്രത്യേകത. 7 അടി നീളമുള്ള നാലെ നാലിന്റെ കോൺക്രീറ്റ് പോസ്റ്റ് വാർത്തെടുത്ത് 2 അടി താഴ്ചയിൽ കുഴിച്ചിട്ട് അതിന്റെ നാല് ഭാഗങ്ങളിലും ഓരോ തൈവീതം നട്ടുപിടിപ്പിച്ചുകൊണ്ടാണ് ഡ്രാഗൺ ഫ്രൂട്ട് കൃഷി ചെയ്യുന്നത്. വളർന്നു കഴിഞ്ഞാൽ കോൺക്രീറ്റ് പോസ്റ്റിന്റെ മുകൾഭാഗത്ത് റബർ ടയർ കെട്ടിവെച്ച് അതിന്റെ മുകളിലൂടെ വള്ളികൾ കടത്തി താഴേക്ക് തൂക്കി യിടുകയാണ് ചെയ്യുന്നത്. 25 വർഷത്തോളമാണ് ഒരു ചെടിയുടെ ആയുസ് കണക്കാക്കുന്നത്. ആരംഭഘട്ടത്തിൽ ഡ്രാഗൺ ഫ്രൂട്ട് കൃഷി കുറച്ച് ചെലവേറിയതാണെങ്കിലും പിന്നീട് മികച്ച കൃഷിയിലൂടെ നല്ല ആദായം ലഭ്യമാകും.

ഡ്രാഗൺ ഫ്രൂട്ട്ന്റെ പ്രത്യേകതകൾ ഒരുപാടാണ് ഇത് പ്രമേഹരോഗികൾക്കും കഴിക്കാം. കാലറി വളരെ കുറവും ഫൈബർ ധാരാളവുമുള്ളതിനാലാണിത്. കൂടാതെ വിറ്റാമിൻ എ, വിറ്റാമിൻ സി, കാൽസ്യം, അയേൺ, മഗ്നീഷ്യം എന്നിവ ഈ പഴത്തിൽ അടങ്ങിയിട്ടുണ്ട്. വിറ്റാമിൻ എ, അയൺ എന്നിവയുടെ സാന്നിധ്യം വിളർച്ചയെ പ്രതിരോധിക്കുകയും മഗ്നേഷ്യം നിറഞ്ഞതിനാൽ മസിലുകളുടെ വളർച്ചയ്‌ക്ക് സഹായമാവുകയും ചെയ്യും.

കൊളസ്‌ട്രോളും അമിതഭാരവും കുറയ്ക്കാനും ഹൃദയത്തിനു സംരക്ഷണം നൽകാനും ഡ്രാഗൺ ഫ്രൂട്ട് ഉത്തമമാണ്. രോഗപ്രതിരോധശക്തി വർധിപ്പിക്കാനും ഈ പഴം സഹായിക്കും. കാർബോഹെെഡ്രേറ്റിന്റെ സാന്നിധ്യവും ഡ്രാഗൺ ഫ്രൂട്ടിലുണ്ട്. ശരീരത്തിൽ നല്ല ബാക്ടീരിയയുടെ അളവ് വർധിപ്പിക്കുകയും വിറ്റാമിൻ സിയുടെ അളവ് രോഗപ്രതിരോധശേഷി വർധിപ്പിക്കുകയും ചെയ്യും.