കണ്ണൂർ കോർപ്പറേഷനിലും കോഴിക്കോട് മോഡൽ പാസ് വേഡ് തട്ടിപ്പിന് സാധ്യത; യുഡിഎഫ് അം​ഗത്തിന്റെ മുന്നറിയിപ്പ്

കണ്ണൂർ: കോഴിക്കോട് കോർപ്പറേഷനിൽ നടന്ന കെട്ടിട നമ്പർ തട്ടിപ്പ് മോഡലിന് കണ്ണൂർ കോർപറേഷനിലും സാധ്യതയുണ്ടെന്ന് കോർപറേഷൻ യോഗത്തിൽ യുഡിഎഫ് അംഗം മുന്നറിയിപ്പ് നൽകി.കണ്ണൂർ കോർപറേഷനിലെ ഉദ്യോഗസ്ഥരുടെ പാസ് വേഡ് ചോർന്നുവെന്ന് പറയുന്നില്ല. പക്ഷെ പല ഉദ്യോഗസ്ഥരുടേയും പാസ് വേഡ്കൈകാര്യം ചെയ്യുന്നത് ഒരു വ്യക്തി മാത്രമാണ്.അദ്ദേഹമാണെങ്കിൽ രാവിലേയും വൈകുന്നേരവും തോന്നിയപോലെയാണ് എത്തുന്ന തെന്നും സ്റ്റാൻറിങ്ങ് കമ്മിറ്റി ചെയർമാൻ കൂടിയായ ഭരണപക്ഷത്തെ പി.കെ.രാഗേഷ് പറഞ്ഞു.

Also Read: 'എനിക്കും അറിയാത്ത ആളൊന്നുമല്ലല്ലോ പിണറായി, കൈക്കോടാലി കൊണ്ട് വാടിക്കൽ രാമകൃഷ്ണൻ്റെ തലച്ചോറ് പിളർന്ന ക്രൂരതയുടെ പേരല്ലേ'; പിണറായി വിജയനെതിരെ രൂക്ഷ വിമർശനവുമായി കെ സുധാകരൻ

എല്ലാ കാര്യവും ഒരു വ്യക്കി മാത്രം കൈകാര്യം ചെയ്താൽ കോഴിക്കോട്ടെ ചോർച്ചക്ക് സമാനമായ സംഭവങ്ങൾ ഇവിടേയും സംഭവിച്ചേക്കാമെന്നും അതുകൊണ്ട് ഓരോ വിഭാഗത്തിൻ്റേയും രേഖകൾ കൈകാര്യം ചെയ്യാൻ അതാത് വകുപ്പിൻ്റെ തന്നെ കമ്പ്യൂട്ടർ എക്സ്പാർട്ടിനെ ഏല്പിക്കണമെന്നും അദ്ദേഹം ആവശ്യപ്പെട്ടു. താവക്കര ബസ്സ് സ്റ്റാൻറിൽ സ്വകാര്യ ബസ്സുകളുടെ ടോൾ നിരക്ക് 60 രൂപയാക്കി പുതുക്കി നിശ്ചയിച്ചത് കോർപ്പറേഷൻ അംഗീകരിച്ചു.യോഗം ആരംഭിച്ചത് തന്നെ പ്രതിപക്ഷ കൗൺസലർ ടി.രവീന്ദ്രൻ്റെ പരാതിയോടെയായിരുന്നു.

Also Read: 'പോട്ടെ ചങ്ങാതി അബദ്ധം ആർക്കും പറ്റും'; ഹോട്ടലാണെന്ന് കരുതി വിളിച്ചത് എസിപിയെ, ഫറൂഖ് എസിപി യുടെയും, പോലീസുകാരന്റെയും സംഭാഷണം വൈറലാകുന്നു

യോഗനടപടികൾ ആരംഭിക്കുകയാണെന്ന് മേയർ പറഞ്ഞയുടൻ തനിക്ക് യോഗത്തിൽ പങ്കെടുക്കാനുള്ള അറിയിപ്പോ, അജണ്ട യോ ഇതുവരേയും ലഭിച്ചിട്ടില്ലെന്ന് രവീന്ദ്രൻ മേയറോട് പരാതിപ്പെട്ടു. മനപ്പൂർവ്വo ചെയതതായിരിക്കാൻ സാധ്യതയില്ലെന്നും അബദ്ധം പറ്റിയതാവാമെന്നും ഏതായാലും അതേക്കുറിച്ച് നോട്ടീസ് നൽകാൻ ചുമതലപ്പെടുത്തിയ ഉദ്യോഗസ്ഥനെ വിളിച്ചു വരുത്തി നടപടി സ്വീകരിക്കുമെന്നും മേയർ ടി.ഒ.മോഹനൻ കൗൺസിലർക്ക് ഉറപ്പ് നൽകി. മുസ്ലീം മടത്തിൽ, എം.പി.രാജേഷ്, ഷമീമ ടീച്ചർ, ബിജോയ് തയ്യിൽ, പ്രതിപക്ഷ കൗൺസിലർമാരായഅഡ്വ പി.കെ അൻവർ, ബി.ജെ.പി കൗൺസിലറായ വി.കെ. ഷൈജു തുടങ്ങിയവർ സംസാരിച്ചു.