കണ്ണൂരില്‍ ഇനി മാലിന്യം തള്ളിയാല്‍ പെടും, രാത്രി ഉറങ്ങാതെ ഇവര്‍ കാവലുണ്ട്... വീഡിയോ കാണാം

കണ്ണൂർ: കോർപ്പറേഷൻ പരിധിയിൽ മാലിന്യ നിക്ഷേപം തടയുന്നതിന് സ്ക്വാഡ് പ്രവർത്തനം ആരംഭിച്ചു. വീടുകളിൽ നിന്നും വ്യാപാര സ്ഥാപനങ്ങളിൽ നിന്നും മാലിന്യം തള്ളുന്നത് ശ്രദ്ധയിൽപ്പെട്ടത് കൊണ്ടാണ് കോർപ്പറേഷൻ പരിധിയിൽ സ്ക്വാഡിനെ രൂപീകരിച്ചത്. സെക്രട്ടറിയുടെ നേതൃത്വത്തിൽ ഹെൽത്ത് ഇൻസ്പെക്ടർമാരെ കൂടെ ഉൾപ്പെടുത്തിയാണ് രാത്രികാല എൻഫോഴ്സ്മെൻ്റ് സ്ക്വാഡിനെ രൂപീകരിച്ചത്. വൈകീട്ട് ആറ് മുതൽ പുലർച്ചെ വരെ സ്ക്വാഡ് നഗരത്തിലുണ്ടാകും.Also Read: റോഡ് വികസനം... കീച്ചേരിയിലെ ആൽമര മുത്തശ്ശി വഴിമാറുന്നു, വീഡിയോ കാണാം

നഗരത്തിൽ മാലിന്യ കൂമ്പാരം ശ്രദ്ധയിൽപ്പെട്ടതിൻ്റെ അടിസ്ഥാനത്തിൽ കൗൺസിലർമാരുടെ താൽപര്യപ്രകാരവും നിലവിലെ നിയമങ്ങൾ ശക്തമാക്കുന്നതിൻ്റെയും ഭാഗമായാണ് രാത്രികാല എൻഫോഴ്സ്മെൻ്റ് സ്ക്വാഡ് രൂപീകരിച്ചതെന്ന് കോർപ്പറേഷൻ സെക്രട്ടറി ഡി സാജു പറഞ്ഞു. വിവിധയിടങ്ങളിൽ മാലിന്യം തള്ളിയവരെ കൈയോടെ പിടികൂടിയെന്നും അവർക്കുള്ള ശിക്ഷാ നടപടികൾ സ്വീകരിച്ചുവെന്നും അദ്ദേഹം പറഞ്ഞു.

Also Read: ഡിവൈഎഫ്ഐ കൊടി നാട്ടിയ സ്ഥലത്ത് വീട് ഉയരും; മുസ്ലീം ലീഗ് പ്രവര്‍ത്തകന് ബിജെപിയുടെ പിന്തുണ, വീഡിയോ കാണാം

പൊതു സ്ഥലങ്ങളിൽ മാലിന്യം നിക്ഷേപിക്കുന്നത് ഒഴിവാക്കി മാലിന്യ മുക്ത കോർപ്പറേഷനാക്കി മാറ്റാൻ എല്ലാവരും സഹകരിക്കണമെന്നും അദ്ദേഹം ആവശ്യപ്പെട്ടു. നിലവിൽ കോർപ്പറേഷന് തന്നെ എൻഫോഴ്സ് ചെയ്യാനുള്ള അനുമതിയുണ്ട്. അതിനാൽ ആവശ്യമെങ്കിൽ മാത്രമാണ് പോലീസ് സഹായം തേടുന്നത്. നേരത്തെ രൂപീകരിച്ച ഒരു സംവിധാനമായിരുന്നു ഇത്. എന്നാൽ കോവിഡും തദ്ദേശ തെരഞ്ഞെടുപ്പും കാരണം അൽപം മുടങ്ങിയെങ്കിലും വീണ്ടും ആരംഭിച്ചിരിക്കുകയാണ്. വരും കാലങ്ങളിൽ എല്ലാ ഭാഗത്തും സിസിടിവി സ്ഥാപിക്കും ഒപ്പം തന്നെ സ്ക്വാഡും പ്രവർത്തിക്കും.

കണ്ണൂർ ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ
കണ്ണൂർ ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ