കുത്തുപറമ്പ്: കണ്ണവത്ത് പോലീസ് പരിശോധനയിൽ ഉഗ്രശേഷിയുള്ള എട്ട് നാടൻ ബോംബുകൾ കണ്ടെത്തിയ സാഹചര്യത്തിൽ തിങ്കളാഴ്ച്ച രാവിലെ മുതൽ മേഖലയിൽ റെയ്ഡ് ശക്തമായി. കണ്ണൂരിൽ നിന്നുമെത്തി ബോംബ് - ഡോഗ് സ്ക്വാഡുകളുടെ സഹായത്തോടെയാണ് റെയ്ഡ് നടത്തിവരുന്നത് കണ്ണവം പോലീസ് സ്റ്റേഷൻ പരിധിയിലെ തൊടീക്കളത്തു നിന്നാണ് ഉഗ്രശേഷിയുള്ള എട്ട് നാടൻ ബോംബുകൾ പോലീസ് പരിശോധനയിൽ പിടിച്ചെടുത്തത്.
ഇതേ തുടർന്ന് കണ്ണവം - തൊടീക്കളം മേഖലയിൽ വ്യാപക റെയ്ഡ് നടത്തുകയായിരുന്നു. കണ്ണൂർ ജില്ലയിലെ രാഷ്ട്രീയ സംഘർഷ മേഖലകളിലൊന്നാണ് കണ്ണവം. നേരത്തെ ഇവിടെ സിപിഎം - ബിജെപി സംഘർഷം നടന്നിരുന്നു. വിവിധ കാലങ്ങളിലുണ്ടായ രാഷ്ട്രീയ സംഘർഷങ്ങളിൽ ഇരുഭാഗത്തെയും പ്രവർത്തകർ കൊല്ലപ്പെട്ടിരുന്നു. പശ്ചിമഘട്ടം മലനിരകളുടെ ഭാഗമായ കണ്ണവത്ത് വനമേഖലയായതിനാൽ കൂടുതൽ പിന്നോക്ക - ആദിവാസി വിഭാഗക്കാരാണ് താമസിക്കുന്നത്. പിടിച്ചെടുത്ത ബോംബുകൾ കണ്ണൂരിൽ നിന്നെത്തിയ ബോംബ് സ്ക്വാഡ് നിർവീര്യമാക്കി.
Read Latest Local News and Malayalam News
കണ്ണൂര് ജില്ലയിലെ മുഴുവൻ വാര്ത്തകളും ഒറ്റ ക്ലിക്കിൽ ഇവിടെ വായിക്കാം