പയ്യന്നൂര്(Kannur): രാമന്തളി കുന്നരു വടക്കേഭാഗത്ത് ധനരാജ് വധക്കേസ് പ്രതിയായ ഡ്രൈവർ ഓടിച്ച ടിപ്പര് ലോറി കത്തിച്ച നിലയില് കണ്ടെത്തി. പുലര്ച്ചെ 1.30 ഓടെയാണ് സംഭവം. കുന്നരുവിലെ ഒ.മോഹനന്റെയും സുഹൃത്തിന്റെയും ഉടമസ്ഥതയിലുള്ള കെ.എല് 59 എഫ്. 7926 നമ്പര് ടിപ്പര് ലോറിയാണ് അഗ്നിക്കിരയാക്കിയത്. ലോറി പൂര്ണമായും കത്തി നശിച്ച നിലയിലാണ്. കുന്നരു വടക്കേഭാഗം എ.കെ.ജി ബസ് സ്റ്റോപ്പിനു സമീപത്തെ ശ്മശാനം റോഡില് നിര്ത്തിയിട്ടിരുന്ന ടിപ്പര് ലോറിയാണ് രാത്രിയുടെ മറവില് തീവെച്ചത്.
ടിപ്പര് ലോറി പതിവുപോലെ ഇവിടെ നിര്ത്തിയിട്ടതായിരുന്നു. വിവരമറിഞ്ഞ് എസ്.ഐ അനില് ബാബുവിന്റെ നേതൃത്വത്തിലുള്ള പോലിസ് എത്തിയപ്പോഴേക്കും പരിസരവാസികള് വെള്ളമൊഴിച്ച് ലോറിയിലെ തീകെടുത്തിയിരുന്നു. എന്നാല് ടിപ്പര് ലോറിയുടെ കാബിനും എഞ്ചിനും പൂര്ണമായും കത്തി നശിച്ചിരുന്നു. പെട്രോള് ഒഴിച്ചാണ് തീവെച്ചതെന്ന പ്രാഥമിക നിഗമനത്തിലാണ് പോലീസ്. ലോറിയുടെ പിന്ഭാഗത്തെ ടയറുകള്ക്ക് മുകളില് ഓലചൂട്ട് കത്തിച്ചു വച്ചതായും കണ്ടെത്തി.
ദിവസങ്ങള്ക്ക് മുമ്പ് ഈ ലോറിയില് ഡി.വൈ.എഫ്.ഐ നേതാവ് സി.വി ധനരാജ് വധക്കേസ് പ്രതിയായിരുന്ന പ്രജിത് ലാല് ഡ്രൈവറായി ജോലിക്ക് കയറിയിരുന്നു. സംഭവത്തിന് പിന്നിലെ പ്രതികളെ കണ്ടെത്താന് പോലീസ് ശ്രമം തുടങ്ങി. കണ്ണൂരില് നിന്നും ഫോറന്സിക് വിദഗ്ധരും സ്ഥലത്തെത്തിയിട്ടുണ്ട്. സംഭവത്തിൽ പോലീസ് അന്വേഷണം ഊര്ജിതമാക്കി.
Topic: Kannur News, Dhanaraj Murder Case, Kannur
ടിപ്പര് ലോറി പതിവുപോലെ ഇവിടെ നിര്ത്തിയിട്ടതായിരുന്നു. വിവരമറിഞ്ഞ് എസ്.ഐ അനില് ബാബുവിന്റെ നേതൃത്വത്തിലുള്ള പോലിസ് എത്തിയപ്പോഴേക്കും പരിസരവാസികള് വെള്ളമൊഴിച്ച് ലോറിയിലെ തീകെടുത്തിയിരുന്നു. എന്നാല് ടിപ്പര് ലോറിയുടെ കാബിനും എഞ്ചിനും പൂര്ണമായും കത്തി നശിച്ചിരുന്നു. പെട്രോള് ഒഴിച്ചാണ് തീവെച്ചതെന്ന പ്രാഥമിക നിഗമനത്തിലാണ് പോലീസ്. ലോറിയുടെ പിന്ഭാഗത്തെ ടയറുകള്ക്ക് മുകളില് ഓലചൂട്ട് കത്തിച്ചു വച്ചതായും കണ്ടെത്തി.
ദിവസങ്ങള്ക്ക് മുമ്പ് ഈ ലോറിയില് ഡി.വൈ.എഫ്.ഐ നേതാവ് സി.വി ധനരാജ് വധക്കേസ് പ്രതിയായിരുന്ന പ്രജിത് ലാല് ഡ്രൈവറായി ജോലിക്ക് കയറിയിരുന്നു. സംഭവത്തിന് പിന്നിലെ പ്രതികളെ കണ്ടെത്താന് പോലീസ് ശ്രമം തുടങ്ങി. കണ്ണൂരില് നിന്നും ഫോറന്സിക് വിദഗ്ധരും സ്ഥലത്തെത്തിയിട്ടുണ്ട്. സംഭവത്തിൽ പോലീസ് അന്വേഷണം ഊര്ജിതമാക്കി.
Topic: Kannur News, Dhanaraj Murder Case, Kannur