കണ്ണൂരിൽ എസ്ഡിപിഐ പ്രവർത്തകന്റെ വീട്ടിൽ റെയ്ഡ്, വീടിന് മുന്നിൽ പ്രതിഷേധവുമായി പ്രവർത്തകർ

കണ്ണൂര്‍: എസ്ഡിപിഐ പ്രവര്‍ത്തകന്റെ വീട്ടില്‍ എന്‍ഫോഴ്‌സ്‌മെന്റ് റെയ്ഡ്. വിവരമറിഞ്ഞ് പ്രദേശത്തെ എസ്ഡിപിഐ പ്രവര്‍ത്തകര്‍ തടിച്ചുകൂടിയിട്ടുണ്ട്. പെരിങ്ങത്തൂര്‍ ഗുരുജിമുക്കിനടുത്തുള്ള ഷഫീഖിന്റെ വീട്ടിലാണ് ഇ ഡി സംഘം റെയ്ഡു നടത്തുന്നത്.

Also Read: വീണ്ടും മന്ത്രവാദ ചികിത്സയ്ക്കിടെ മരണം? രോഗം മൂര്‍ച്ഛിച്ചിട്ടും ആശുപത്രിയില്‍ എത്തിച്ചില്ല, നൂർജഹാന്റെ മരണത്തിന് കാരണം ഭർത്താവിന്‍റെ മന്ത്രവാദമോ?

പ്രദേശം പോലീസ് വലയത്തിലാണ്. ചൊക്ലി പോലീസ് ഈ പ്രദേശത്തേക്ക് ആരെയും കടത്തിവിടുന്നില്ല. ഇന്ന് രാവിലെ എട്ടുമണി മുതലാണ് റെയ്ഡിനായി ഇ ഡി സംഘമെത്തിയത്. റെയ്ഡില്‍ പ്രതിഷേധിച്ചു കേന്ദ്രസര്‍ക്കാരിനെതിരെ മുദ്രാവാക്യങ്ങള്‍ വിളിച്ചു പ്രതിഷേധിച്ച എസ്ഡിപിഐക്കാരെ പോലീസ് സ്ഥലത്തു നിന്നും നീക്കി.

Also Read: കാസർകോട് വീണ്ടും കൈക്കൂലി... കർഷകരുടെ തന്ത്രപരമായ നീക്കം, ചെങ്കളയിലെ കൃഷി ഓഫീസര്‍ പിടിയിൽ

ഡല്‍ഹി കലാപത്തിന് പിന്നാലെ പോപ്പുലര്‍ ഫ്രണ്ട് സംസ്ഥാന,ദേശീയ നേതാക്കളുടെ വീടുകളില്‍ ഇ ഡി സംഘം നേരത്തെ റെയ്ഡ് നടത്തിയിരുന്നു. ഈ പരിശോധനകളുടെ തുടര്‍ച്ചയായാണ് കൂടുതല്‍ പ്രവര്‍ത്തകരുടെ വീടുകളില്‍ ബുധനാഴ്ച റെയ്ഡ് നടത്തുന്നതെന്നാണ് സൂചന. എന്നാല്‍ റെയ്ഡിന്റെ കൂടുതല്‍ വിശദാംശങ്ങള്‍ ഇ ഡി പുറത്ത് വിട്ടിട്ടില്ല. കണ്ണൂര്‍, മൂവാറ്റുപുഴ, മലപ്പുറം, ഇടുക്കി എന്നിവിടങ്ങളിലെ വിവിധ കേന്ദ്രങ്ങളിലാണ് റെയ്ഡ് നടക്കുന്നത്. കള്ളപ്പണ ഇടപാടുകളുമായി ബന്ധപ്പെട്ടാണ് പരിശോധനയെന്നാണ് പുറത്ത് വരുന്ന വിവരം.

കണ്ണൂർ ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ
കണ്ണൂർ ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ