രണ്ടാം ദിനവും കണ്ണൂരിൽ പണിമുടക്ക് പൂർണ്ണം: സർക്കാർ ഓഫീസുകളിൽ ജീവനക്കാർ ഹാജരായില്ല

കണ്ണൂർ(Kannur): ദേശീയ പണിമുടക്കിൻ്റെ രണ്ടാം ദിനത്തിലും കണ്ണൂർ ജില്ല നിശ്ചലമായി. സംയുക്ത ട്രേഡ് യൂനിയൻ പ്രഖ്യാപിച്ച പണിമുടക്ക് സമരത്തിൽ കടകൾ തുറക്കുമെന്ന് വ്യാപാരി വ്യവസായി ഏകോപന സമിതി നേതാക്കൾ പ്രഖ്യാപിച്ചിരുന്നുവെങ്കിലും കണ്ണൂർ നഗരത്തിൽ ഒരിടത്തും കടകൾ തുറന്ന് പ്രവർത്തിക്കുന്ന സാഹചര്യമുണ്ടായില്ല. ഹർത്താൽ അനുകൂലികൾ തുടർച്ചയായ രണ്ടാമത്തെ ദിവസവും ചരക്കു ലോറികൾ ഉൾപ്പെടെയുള്ളവ തടഞ്ഞു.
കണ്ണൂർ -കാസർകോട് ദേശീയപാതയിലെ തെക്കി ബസാറിൽ തടഞ്ഞിട്ട ചരക്കു ലോറികളുടെ നീണ്ട നിര തന്നെയുണ്ടായിരുന്നു.

കെ-റെയില്‍: സ്ഥലമേറ്റെടുപ്പ് നഷ്ടപരിഹാരം നല്‍കിയ ശേഷം മാത്രം, ആവര്‍ത്തിച്ച് കോടിയേരി

കെ.എസ്.ആർ.ടി.സി ബസുകൾ രണ്ടാം ദിനവും സർവീസ് നടത്തിയില്ല എന്നാൽ ട്രെയിൻ ഗതാഗതം പതിവുപോലെ നടന്നു. എങ്കിലും റെയിൽവേ സ്റ്റേഷനിൽ യാത്രക്കാർ നന്നെ കുറവായിരുന്നു. പണിമുടക്കിയ സർക്കാർ ഉദ്യോഗസ്ഥൻ മാർക്ക് ഡയസ്നോൺ ഹൈക്കോടതി പ്രഖ്യാപിച്ച സാഹചര്യത്തിൽ സിവിൽ സ്റ്റേഷനിൽ ജീവനക്കാർ ജോലിക്ക് ഹാജരാകുമെന്ന് പ്രതീക്ഷിച്ചിരുന്നുവെങ്കിലും എൻ.ജി.ഒ.സംഘിൻ്റെ ഏതാനും പേർ മാത്രമേ ജോലിക്ക് ഹാജരായുള്ളൂ. ബാക്കി ബഹുഭൂരിപക്ഷം വരുന്ന ജീവനക്കാർ രണ്ടാം ദിനവും ജോലിയിൽ നിന്നും വിട്ടുനിന്നു. സിവിൽ സ്‌റ്റേഷനിൽ ജോലിക്ക് ഹാജരാകുന്നതുവരെ തടയാൻ ഹർത്താൽ അനുകൂലികളായ ജീവനക്കാർ സിവിൽ സ്‌റ്റേഷൻ ഒന്നാം ഗേറ്റിൽ നിലയുറപ്പിച്ചിരുന്നുവെങ്കിലും ബഹു ഭൂരിപക്ഷമാളുകളും ജോലിക്ക് ഹാജരാവാത്തതിനാൽ പ്രകടനം നടത്തിയതിനു ശേഷം മടങ്ങിപ്പോയി.

കണ്ണൂരില്‍ ആംബുലന്‍സ് ഡ്രൈവറെ കുത്തിക്കൊലപ്പെടുത്താന്‍ ശ്രമം; അച്ഛനും മകനും ഉള്‍പ്പെടെ 4 പേര്‍ പിടിയില്‍

ഹർത്താൽ ദിവസം കണ്ണൂരിലെ കേന്ദ്ര സർക്കാർ സ്ഥാപനങ്ങളായ ബി.എസ്.എൻ.എൽ, പൊതുമേഖലാ ബാങ്കുകൾ എന്നിവ അടഞ്ഞുകിടന്നു കണ്ണൂർ ഹെഡ് പോസ്റ്റ് ഓഫീസ് പേരിന് മാത്രമേ പ്രവർത്തിച്ചുള്ളൂ. കടകമ്പോളങ്ങളും പെട്രോൾ പമ്പുകളും അടഞ്ഞുകിടന്നു. ആശുപത്രി ക്യാൻ്റീനൊഴികെയുള്ള ഭക്ഷണശാലകൾ തുറന്നു പ്രവർത്തിച്ചില്ല. പോലീസും സന്നദ്ധ സേവന സംഘടനകളും ഏർപ്പെടുത്തിയ സൗജന്യ ഉച്ചഭക്ഷണ പദ്ധതി തെരുവിൽ കഴിയുന്നവർക്ക് ആശ്വാസകരമായി.

Topic: Kannur News, National Strike, Trade Unions Strike