കൊലപ്പെടുത്തിയത് 6 പേർ
ഗൂഢാലോചനക്കുറ്റം ചുമത്തിയാണ് ആത്മജനെ അന്വേഷണ സംഘം അറസ്റ്റ് ചെയ്തത് ഹരിദാസനെ കൊലപ്പെടുത്താൻ ആത്മജന്റെ നേതൃത്വത്തിൽ രണ്ടുതവണ ശ്രമങ്ങളുണ്ടായെന്നും ആയുധം നൽകിയതിൽ ഇയാൾക്ക് പങ്കുള്ളതായും പോലീസ് പറഞ്ഞു. ഹരിദാസ് വധ കേസിൽ ഇതുവരെ 13 പ്രതികളാണ് അറസ്റ്റിലായത്. ആറുപേർ ചേർന്നാണ് ഹരിദാസനെ നേരിട്ടു കൊലപ്പെടുത്തിയത്. ഇതിൽ തലശ്ശേരി നഗരസഭാ കൗൺസിലറും ബിജെപി മണ്ഡലം പ്രസിഡൻ്റുമായ കെ ലിജേഷുൾപ്പെടെ നാലുപേരെ പോലീസ് നേരത്തെ അറസ്റ്റ് ചെയ്തിരുന്നു.
കൊടുവാൾ കണ്ടെത്താൻ ശ്രമം
കൊലയിൽ നേരിട്ട് പങ്കെടുത്ത ദീപു, നിഖിൽ എന്നിവരാണ് ഇനി അറസ്റ്റിലാകാനുളത്. ഹരിദാസനെ വെട്ടിക്കൊലപ്പെടുത്താൻ ഉപയോഗിച്ച കൊടുവാൾ പോലീസ് കണ്ടെടുക്കാനുള്ള ശ്രമങ്ങൾ തുടങ്ങിയിട്ടുണ്ട്. പ്രതികൾ സഞ്ചരിച്ച ബൈക്കുകളും പോലീസ് കസ്റ്റഡിയിലെടുത്തിട്ടുണ്ട് വെള്ളിയാഴ്ച രാത്രിയോടെയാണ് മാടപ്പീടിക സ്വദേശി സമൻഗ ഹൗസിൽ ആത്മജിനെ അന്വേഷണം സംഘം അറസ്റ്റ് ചെയ്തത്. ഗൂഢാലോചന കുറ്റമാണ് ഇയാൾക്കെതിരെ ചുമത്തിയത്.
ആയുധം നൽകിയതിൽ പങ്ക്
ഹരിദാസനെ കൊലപ്പെടുത്താൻ ആത്മജിന്റെ നേതൃത്വത്തിൽ നേരത്തെ രണ്ടുതവണ ശ്രമങ്ങളുണ്ടായെന്നും ആയുധം നൽകിയതിൽ ഇയാൾക്ക് പങ്കുള്ളതായും സൂചനയുണ്ട്. ഇതോടെ കേസിൽ അറസ്റ്റിലായവരുടെ എണ്ണം 13 ആയിട്ടുണ്ട്. ഈക്കഴിഞ്ഞ ഫിബ്രവരി 21 ന് പുലർച്ചയെയാണ് ഹരിദാസനെ വീട്ടുമുറ്റത്ത് വച്ചാണ് ആർഎസ്എസ്-ബിജെപി സംഘമെന്നാരോപിക്കുന്നവർ വെട്ടിക്കൊലപ്പെടുത്തിയത്. കൊലപാതകത്തിൽ നേരിട്ട് പങ്കെടുത്ത രണ്ടുപേർ കൂടി അറസ്റ്റിലാവാനുണ്ട്. ഇവർക്കായുള്ള അന്വേഷണം തുടരുകയാണ്.