തലശേരി: പിതാവിനൊപ്പം സഞ്ചരിക്കുകയായിരുന്ന മകൻ ബൈക്ക് അപകടത്തിൽ ദാരുണമായി കൊല്ലപ്പെട്ടു. തലശേരി - കൊടുവള്ളി ദേശീയ പാതയിൽ ബൈക്കും കാറും കൂട്ടിയിടിച്ചാണ് മത്സ്യ തൊഴിലാളിയായ യുവാവ് മരിച്ചത്. ഇന്ന് രാവിലെയാണ് അപകടമുണ്ടായത്. മത്സ്യ തൊഴിലാളിയായ മുഴപ്പിലങ്ങാട് സ്വദേശി തൻസിറാ(35)ണ് മരിച്ചത് ഇയാളുടെ കൂടെയുണ്ടായിരുന്ന പിതാവിന് ഗുരുതര പരുക്കേറ്റു. ഇദ്ദേഹത്തെ ചാലയിലെ സ്വകാര്യ ആശുപത്രിയിൽ പ്രവേശിപ്പിച്ചു.
Read Latest Local News and Malayalam News
തലശേരി ഭാഗത്തേക്ക് പോകുമ്പോഴാണ് ഇരുവരും അപകടത്തിൽപ്പെട്ടത്. നാട്ടുകാർ തൊട്ടടുത്ത സഹകരണ ആശുപത്രിയിലെത്തിച്ചുവെങ്കിലും തൻസീറിന്റെ ജീവൻ രക്ഷിക്കാനായില്ല. തലശേരി ടൗൺ പോലിസ് അപകടമുണ്ടാക്കിയ കാർ യാത്രക്കാരനെതിരെ കേസെടുത്തിട്ടുണ്ട്.
നിയന്ത്രണം വിട്ട കാർ ബൈക്ക് യാത്രക്കാരായ ഇരുവരെയും ഇടിച്ചു തെറിപ്പിക്കുകയായിരുന്നു. തലയ്ക്കു ഗുരുതരമായി പരുക്കേറ്റ തൻസിർ മരണമടയുകയായിരുന്നു. മൃതദേഹം തലശേരി ജനറൽ ആശുപത്രി മോർച്ചറിയിലേക്ക് മാറ്റി. തലശേരി ടൗൺ പോലീസ് അപകടമുണ്ടാക്കിയ കാർ യാത്രക്കാരനെതിരെ കേസെടുത്തിട്ടുണ്ട്. അപകടത്തെ തുടർന്ന് ദേശീയ പാതയിൽ അര മണിക്കൂർനേരം ഗതാഗതം മുടങ്ങി.