കിയാൽ അധികൃതരുടെ നടപടിയിൽ ശക്തമായ പ്രതിഷേധം രേഖപ്പെടുത്താൻ ഒരുങ്ങുകയാണ് ടാക്സി ഡ്രൈവർമാർ. കരുണ ടാക്സി ഡ്രൈവേഴ്സ് ഓർഗനൈസേഷൻ മനുഷ്യച്ചങ്ങല തീർക്കുമെന്ന് വാർത്താസമ്മേളനത്തിൽ വ്യക്തമാക്കിയത്
Lipi26 Aug 2020, 1:49 pm
കണ്ണൂര്‍: കണ്ണൂര്‍ അന്താരാഷ്ട്ര വിമാനത്താവളത്തിലെത്തുന്ന യാത്രക്കാരെ കയറ്റാനും ഇറക്കാനുമെത്തുന്ന ടാക്സി ഡ്രൈവര്‍മാരില്‍ നിന്നും എന്‍ട്രിഫീസ് ഈടാക്കുന്ന കിയാല്‍ അധികൃതരുടെ നടപടിയില്‍ പ്രതിഷേധം ശക്തമാകുന്നു. ഇതില്‍ പ്രതിഷേധിച്ച് വെള്ളിയാഴ്ച്ച മനുഷ്യചങ്ങല നടത്തുമെന്ന് കരുണ ടാക്സി ഡ്രൈവേഴ്സ് ഓര്‍ഗനൈസേഷന്‍ സംസ്ഥാന പ്രസിഡന്റ് എന്‍.കെ വിനീത് അറിയിച്ചു. യാതൊരു ദയാദാക്ഷിണ്യവുമില്ലാതെയാണ് യാത്രക്കാരില്‍ നിന്നും എന്‍ട്രീഫീസ് കിയാല്‍ അധികൃതര്‍ പിഴിയുന്നത്.
നാട്ടിലേക്ക് കൊവിഡ് കാരണം മടങ്ങിവരുന്ന പ്രവാസികളെയും ജോലി തീരെ കുറവായ ടാകസി തൊഴിലാളികളെയും വിമാനത്താവള അധികൃതര്‍ അനധികൃത ഫീസിന്റെ പേരില്‍ കൊള്ളയടിക്കുകയാണ് ചെയ്യുന്നത്. ഇതിനെതിരെ ശക്തമായ സമരപരിപാടികളുമായി മുന്‍പോട്ടുപോകാനാണ് സംഘടനയുടെ തീരുമാനമെന്നും ഇതിന്റെ മുന്നോടിയായാണ് മനുഷ്യ ചങ്ങല തീര്‍ക്കുന്നതെന്നും വിനീത് പറഞ്ഞു.
എയര്‍പോര്‍ട്ട് മുതല്‍ വായാന്തോട് വരെയും അഞ്ചരക്കണ്ടി റോഡുവരെയുമാണ് ആദ്യചങ്ങല തീര്‍ക്കുന്നത്. തുടര്‍ന്നു എന്‍ട്രീ ഫീസ് പിരിക്കുന്നതില്‍ നിന്നും പിന്‍മാറിയില്ലെങ്കില്‍ ഹൈവേയിലും ചങ്ങല തീര്‍ക്കുമെന്ന് വിനീത് അറിയിച്ചു. വാര്‍ത്താസമ്മേളനത്തില്‍ സംസ്ഥാന സമിതി അംഗം കെ.കെ ഹസന്‍ അയ്യൂബ്, ജില്ലാ പ്രസിഡന്റ് ഷാജി പഴയങ്ങാടി എന്നിവരും പങ്കെടുത്തു.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
