പാലക്കാടിന് പിന്നാലെ കണ്ണൂരിലും കണ്ണില്ലാത്ത ക്രൂരത: വയർ കുത്തിപ്പിളർന്ന് രണ്ട് എരമക്കുട്ടികളെ കൊന്നു!

കണ്ണുർ: പൈനാപ്പിളിൽ സ്ഫോടകവസ്തു ഒളിപ്പിച്ചത് പൊട്ടിത്തെറിച്ച് ഗർഭിണിയായ പിടിയാന മരിച്ചതിന് സമാനമായി കണ്ണൂരിലും സഹജീവികളോട് മനുഷ്യന്‍റെ കൊടും ക്രൂരത. പാലക്കാട് മണ്ണാർക്കാട് തിരുവിഴാംകുന്ന് വനമേഖലയിൽ അമ്പലപ്പാറ വെള്ളിയാറിൽ 15 വയസുള്ള പിടിയാനയുടെയും ഉദരത്തിലെ കുട്ടിയുടെയും മരണം രാജ്യത്തിന്‍റെ തന്നെ വേദനയായി മാറിയിരിക്കുകയാണ്.

Also Read: പ്രളയ ഫണ്ട് തട്ടിപ്പ്; അന്വേഷണം എറണാകുളം കലക്ട്രേറ്റ് ജീവനക്കാരിലേക്കും, 11 ജീവനക്കാര്‍ക്ക് നോട്ടീസ്!

എന്നാൽ ഇതിനു സമാനമായി മിണ്ടാപ്രാണികളോടുള്ള ക്രൂരത കണ്ണൂരിലും ആവർത്തിച്ചിരിക്കുകയാണ്. ഇരിട്ടി ഉളിക്കൽ പുറവയലിൽ അജ്ഞാതൻ രണ്ട് എരുമ കുട്ടികളെ കുത്തി പരുക്കേൽപ്പിച്ചു. ചൊവ്വാഴ്ച്ച രാത്രി കുത്തേറ്റ് രണ്ടു രാവും ഒരു പകലും നീണ്ട വേദന തിന്ന ഈ മിണ്ടാപ്രാണികൾ വ്യാഴാഴ്ച്ച രാവിലെ മരിച്ചു. പുറവയൽ പള്ളുരത്താൽ ജോയിയുടെ വളർത്തുമൃഗങ്ങളാണ് ക്രൂരതയ്ക്കിരയായത്. ജോയിയോടുള്ള വ്യക്തി വൈരാഗ്യം തീർക്കാൻപ്രദേശവാസിയായ ഒരാൾ അക്രമിച്ചതാണെന്ന സൂചനയുണ്ട്. ഉളിക്കൽ പോലിസ് കേസെടുത്ത് അന്വേഷണമാരംഭിച്ചു.