പഴശിരാജ അനു​ഗ്രഹം വാങ്ങുന്ന ദേവീ ക്ഷേത്രം, മുഴക്കുന്ന് മൃദംഗശൈലേശ്വരി ക്ഷേത്ര ചരിത്രം ഇങ്ങനെയാണ്...

ശ്രീപോർക്കലി ദേവിയെയും മൃദംഗശൈലേശ്വരിയെയും മറ്റും സ്മരിക്കുമ്പോൾ ഇവിടുത്തെ ജനങ്ങളുടെ മനസ്സിൽ ആദ്യം ഓടിയെത്തുന്ന ചിത്രം വീരപഴശ്ശിയുടേത് തന്നെയാണ്. അടിമത്തത്തെ കാൾ മരണമാണ് നല്ലത് എന്നുറച്ച് വെള്ളക്കാരന്റെ പാദസേവ ചെയ്ത് കൊട്ടാരത്തിൽ വാഴുന്നതിനേക്കാൾ ഭേദം കാട്ടിലെ മൃഗങ്ങളോടൊപ്പം ഗുഹകളിൽ അന്തിയുറങ്ങുന്നത് ആണെന്ന് നിശ്ചയിച്ചിരുന്നു ആ കേരള സിംഹം. നാട്ടുകാരുടെ കണ്ണിലുണ്ണി ആയിരുന്നപഴശ്ശി രാജക്ക് വേണ്ടി ജാതി മത ഭേദമന്യേ എല്ലാവരും മരിക്കാൻ തയ്യാറായ ഒരു കാലമുണ്ടായിരുന്നു. ആ പഴശ്ശിത്തമ്പുരാൻ യുദ്ധത്തിന് ഇറങ്ങുന്നതിനു മുമ്പ് മുഴക്കുന്ന് വന്നു ശ്രീപോർക്കലി യുടെയും മൃദംഗശൈലേശ്വരിയുടെയും അനുഗ്രഹം വാങ്ങി മാത്രമേ പുറപ്പെടാറുണ്ടായിരുന്നുള്ളൂ.