ആദിവാസിയിൽനിന്ന് 10,000 രൂപ കൈക്കൂലി വാങ്ങി; ഉദ്യോഗസ്ഥൻ പിടിയിൽ

കണ്ണൂർ: കണ്ണൂരിൽ കൈക്കൂലി വാങ്ങുന്നതിനിടെ ടിആർഡിഎം സൈറ്റ് മാനേജർ അറസ്റ്റിൽ. ടിആർഡിഎം സൈറ്റ് മാനേജർ സലീം താഴെ കോറോത്താണ് അറസ്റ്റിലായത്. വിജിലൻസ് ഡിവൈഎസ്പി ബാബു പെരിങ്ങേത്തിന്റെ നേതൃത്വത്തിലാണ് സലീമിനെ കണ്ണൂരിൽനിന്നു അറസ്റ്റ് ചെയ്തത്.പെരിങ്ങോത്ത് ആദിവാസി വിഭാഗങ്ങൾക്ക് അനുവദിച്ച സ്ഥലത്ത് വീട് വെക്കുന്നതിനുള്ള ധനസഹായം അനുവദിക്കാൻ കൈക്കൂലി വാങ്ങുന്നതിനിടെയാണ് ഇയാളെ അറസ്റ്റു ചെയ്തത്. 10,000 രൂപയാണ് കൈക്കൂലി വാങ്ങിയത്. നേരത്തെ പിന്നോക്ക വിഭാഗക്കാർക്ക് ആനുകൂല്യങ്ങൾ അനുവദിച്ചു കിട്ടുന്നതിനായി ഇയാൾ കൈക്കൂലി വാങ്ങുന്നതായി ആരോപണമുയർന്നിരുന്നു. ഇതിനു ശേഷം ഇയാൾ വിജിലൻസ് നിരീക്ഷണത്തിലായിരുന്നു.


ഇതിനിടെയാണ് ഒരു ഗുണഭോക്താവിനോട് കൈക്കൂലി ആവശ്യപ്പെട്ടത്. ഇദ്ദേഹം വിജിലൻസിൽ പരാതിപ്പെട്ടതിനെ തുടർന്ന് സിന്തറ്റിക്ക് മഷി പുരട്ടിയ നോട്ടുകളാണ് വിജിലൻസ് കൈക്കൂലി കൊടുക്കുന്നതിനായി കൈമാറിയത്. സലീം കൈക്കൂലി വാങ്ങുന്നതിനിടെ മിന്നൽ റെയ്ഡ് നടത്തി വിജിലൻസ് ഇയാളെ കയ്യോടെ പിടികൂടുകയായിരുന്നു.

യാത്രയ്ക്കിടെ യുവതിയെ പീഡിപ്പിച്ച സംഭവം; ഡ്രൈവർക്കെതിരെ പീഡനത്തിന് കേസ്, ഭർത്താവ് റിമാൻഡിൽ
കണ്ണൂ‍ര്‍ ജില്ലയിലെ മുഴുവൻ വാ‍ര്‍ത്തകളും ഒറ്റ ക്ലിക്കിൽ ഇവിടെ വായിക്കാം

Read Latest Local News and Malayalam News