കണ്ണൂർ: കണ്ണൂർ കോർപറേഷൻ ഓഫിസിലെ സിംലിങ്ങ് അടർന്നുവീണ് സന്ദർശകന് പരുക്കേറ്റു
എറണാകുളം സ്വദേശിക്കാണ് പരുക്കേറ്റത്. ഇദ്ദേഹത്തെ കണ്ണൂരിലെ സ്വകാര്യ ആശുപത്രിയിൽ പ്രവേശിപ്പിച്ചു. ചൊവ്വാഴ്ച്ച ഉച്ചയോടെയാണ് അപകടമുണ്ടായത്. കൗൺസിൽ ഹാളിന് മുൻപിലെ വരാന്തയിൽ ഇരിക്കുകയായിരുന്ന എറണാകുളം സ്വദേശി ഡോക്ടർ ആന്റണി ജെ കുട്ടഞ്ചേരിക്കാണ് പരുക്കേറ്റത്.
Also Read: അഞ്ച് ലിറ്റര് പെട്രോളില് ഒരു ലിറ്റര് വെള്ളം? വഴിയിലായത് 30ഓളം വാഹനങ്ങള്, പെരിങ്ങോത്ത് സംഭവിച്ചത്, വീഡിയോ
കോര്പ്പറേഷന് മേയറും മറ്റുള്ളവരുമായി കൂടിക്കാഴ്ച നടത്തുകയായിരുന്നു ലക്ഷ്യം. ഇതിനായി കൗൺസിൽ ഹാളിന് പുറത്തുള്ള സന്ദർശക മുറിയിൽ കാത്തുനിൽക്കുമ്പോഴാണ് അപകടം. സിലിങ്ങിൻറെ കോൺക്രീറ്റ് പാളികൾ അടർന്നുവീണ് തലയിലാണ് പരുക്കേറ്റത്. ഉടൻ കൗൺസിലർമാരും മറ്റുള്ളവരും ചേർന്ന് കണ്ണൂർ എസ്.എൻ പാർക്കിനടുത്തെ ശ്രീ ചന്ദ് ആശുപത്രിയിൽ പ്രവേശിപ്പിക്കുകയായിരുന്നു. തലയ്ക്കു മുറിവേറ്റ നിലയിലായിരുന്നു. കോർപറേഷൻ മേയർ ടി.ഒ മോഹനനും മറ്റു ഉദ്യോഗസ്ഥരും ആശുപത്രി സന്ദർശിച്ചു. ഏറെ പഴക്കമുള്ള കണ്ണൂർ കോർപറേഷൻ ഓഫിസ് പൊളിച്ചുപണിയാൻ ബഡ്ജറ്റിൽ ഫണ്ട് പാസാക്കിയിരുന്നുവെങ്കിലും കൊവിഡ് പ്രതിസന്ധി കാരണം പ്രവൃത്തി തുടങ്ങാൻ കഴിഞ്ഞിരുന്നില്ല.