ഏഴ് വയസുള്ള കുട്ടിയടക്കം 13 പേര്‍ക്ക് കൂടി കാസര്‍കോട് കൊവിഡ് രോഗമുക്തി; ജില്ലയില്‍ ഇന്ന് 7 പേര്‍ക്ക് കൂടി രോഗം സ്ഥിരീകരിച്ചു!

കാസര്‍കോട്: ഇന്ന് ജില്ലയില്‍ വിദേശത്തുനിന്നെത്തിയ ഏഴ് പേര്‍ക്ക് കൂടി കൊവിഡ് 19 സ്ഥിരീകരിച്ചതായി ജില്ലാ മെഡിക്കല്‍ ഓഫീസര്‍ ഡോ. എവി രാംദാസ് അറിയിച്ചു. അതേസമയം 13 പേര്‍ക്ക് രോഗമുക്തി നേടി ആശുപത്രിവിട്ടു. ജൂണ്‍ 19 ന് ദുബായില്‍ നിന്നെത്തിയ 60 വയസുള്ള പള്ളിക്കര സ്വദേശി, കുവൈത്തില്‍ നിന്നെത്തിയ 38 വയസുള്ള കാഞ്ഞങ്ങാട് നഗരസഭാ സ്വദേശി (അഞ്ചരക്കണ്ടി മെഡിക്കല്‍ കോളേജ്) എന്നിവര്‍ക്കും ജൂണ്‍ 24 ന് ഖത്തറില്‍ നിന്നെത്തിയ 27 വയസുള്ള പുല്ലൂര്‍ പെരിയ സ്വദേശി, ജൂണ്‍ 28 ന് ദുബായില്‍ നിന്നു വന്ന 25 വയസുള്ള പള്ളിക്കര സ്വദേശി (ജിഎച്ച് തലശേരി), ജൂണ്‍ 30 ന് മസ്‌കറ്റില്‍ നിന്നെത്തിയ 31 വയസുള്ള അജാനൂര്‍ സ്വദേശി(എംസിഎച്ച് പരിയാരം), ജൂണ്‍ 30 ന് ഒമാനില്‍ നിന്നു വന്ന 55 വയസുള്ള ചെമ്മനാട് സ്വദേശി (ജിഎച്ച് തലശ്ശേരി), ജൂണ്‍ 30 ന് സൗദിയില്‍ നിന്ന് വന്ന 29 വയസുള്ള മംഗല്‍പാടി സ്വദേശി (കോഴിക്കോട് സിസിസി) എന്നിവര്‍ക്കും കൊവിഡ് സ്ഥിരീകരിച്ചു.

13 പേര്‍ക്ക് കൊവിഡ് നെഗറ്റീവായി

പടന്നക്കാട് കോവിഡ് ചികിത്സാ കേന്ദ്രത്തിലുണ്ടായിരുന്ന 25 വയസുള്ള അജാനൂര്‍ സ്വദേശി, 42 വയസുള്ള നീലേശ്വരം നഗരസഭ സ്വദേശി, 44 വയസുള്ള മംഗല്‍പാടി സ്വദേശിനി, 58 വയസുള്ള പടന്ന സ്വദേശി, 26 വയസുള്ള വോര്‍ക്കാടി സ്വദേശിനി എന്നിവര്‍ക്കും കാസര്‍കോട് മെഡിക്കല്‍ കോളേജില്‍ ചികില്‍സയിലുണ്ടായിരുന്ന 58 വയസുള്ള മീഞ്ച സ്വദേശി, 59 വയസുള്ള ഉദുമ സ്വദേശി, മംഗല്‍പാടി പഞ്ചായത്തിലെ ഏഴ് വയസുള്ളകുട്ടി, 39 വയസുള്ള കാറഡുക്ക സ്വദേശി, 38 വയസുള്ള പള്ളിക്കര സ്വദേശി, 30 വയസുള്ള ചെങ്കള സ്വദേശി, 44 വയസുള്ള ചെങ്കള സ്വദേശി എന്നിവര്‍ക്കും പരിയാരം മെഡിക്കല്‍ കോളേജില്‍ ചികില്‍സയിലായിരുന്ന 47 വയസുള്ള അജാനൂര്‍ പഞ്ചായത്ത് സ്വദേശി എന്നിവര്‍ക്കും കൊവിഡ് നെഗറ്റീവായി.

ജില്ലയില്‍ നിരീക്ഷണത്തിലുള്ളത് 6901 പേര്‍

വീടുകളില്‍ 6556 പേരും സ്ഥാപനങ്ങളില്‍ നീരിക്ഷണത്തില്‍ 345 പേരുമുള്‍പ്പെടെ ജില്ലയില്‍ നിരീക്ഷണത്തിലുള്ളത് 6901 പേരാണ്. പുതിയതായി 335 പേരെ നീരിക്ഷണത്തിലാക്കി. സെന്‍റിനല്‍ സര്‍വ്വേ അടക്കം പുതിയതായി 292 പേരുടെ സാമ്പിളുകള്‍ പരിേശാധനയ്ക്ക് അയച്ചു. 526 പേരുടെ പരിശോധനാ ഫലം ലഭിക്കാനുണ്ട്. 531 പേര്‍ നിരീക്ഷണകാലയളവ് പൂര്‍ത്തീകരിച്ചതായി അധികൃതര്‍ അറിയിച്ചു.