കാസര്‍കോട് സ്ഥിതി ഗുരുതരം... സമ്പര്‍ക്കത്തിലൂടെ ആരോഗ്യപ്രവര്‍ത്തകയ്ക്കടക്കം 11 പേര്‍ക്ക് കൊവിഡ്, ഇന്ന് രോഗം സ്ഥിരീകരിച്ചത് 17 പേര്‍ക്ക്!

കാസര്‍കോട്: ജില്ലയില്‍ ഇന്ന് 17 പേര്‍ക്കു കൂടി കൊവിഡ് 19 സ്ഥിരീകരിച്ചു. 11 പേര്‍ക്ക് സമ്പര്‍ക്കത്തിലൂടെയും മൂന്നു പേര്‍ വിദേശത്ത് നിന്നെത്തിയവരും മൂന്നു പേര്‍ ഇതര സംസ്ഥാനങ്ങളില്‍ നിന്നെത്തിയവരുമാണെന്ന് ഡിഎംഒ ഡോ. എവി രാംദാസ് അറിയിച്ചു. സമ്പര്‍ക്കത്തിലൂടെ കൊവിഡ് പടരുന്നതില്‍ ആരോഗ്യവകുപ്പിന് ആശങ്കയുണ്ട്. മംഗളൂരുവാണ് ജില്ലയിലെ കൊവിഡിന്റെ ഉറവിടമെന്നാണ് അധികൃതര്‍ ഇപ്പോള്‍ പറയുന്നത്.

Also Read: മുഖ്യമന്ത്രിക്കെതിരെയുള്ള ആരോപണം; മൗനം പാലിച്ച് കണ്ണൂരിലെ നേതാക്കൾ... പി ശശിയെ അരങ്ങിലെത്തിക്കാനും ശ്രമം?

കാസര്‍കോട് ടൗണില്‍ ഒരേ പച്ചക്കറി കടയില്‍ ജോലി ചെയ്യുന്ന 22, 24 വയസുള്ള ചെങ്കള പഞ്ചായത്ത് സ്വദേശികള്‍, 46, 28 വയസുള്ള മധുര്‍ പഞ്ചായത്ത് സ്വദേശികള്‍, കാസര്‍കോട് നഗരസഭയിലെ ഒരു കുടുംബത്തിലെ 21 വയസുള്ള പുരുഷനും 41 വയസുള്ള സ്ത്രിക്കും, വയസുള്ള ആറ് വയസുള്ള ആണ്‍കുഞ്ഞിനും, കാസര്‍കോട് ടൗണില്‍ ഫ്രൂട്‌സ് കട നടത്തുന്ന 25 വയസുള്ള കാസര്‍കോട് നഗരസഭാ സ്വദേശിക്കും, കാസര്‍കോട് കാര്‍ ഷോറുമില്‍ ജോലി ചെയ്യുന്ന 35 വയസുള്ള മുളിയാര്‍ പഞ്ചായത്ത് സ്വദേശിയ്ക്കും, ആരോഗ്യ പ്രവര്‍ത്തകയായ 25 വയസുള്ള ചെങ്കള സ്വദേശിനിയ്ക്കും ജൂണ്‍ 29 ന് മംഗളൂരുവില്‍ നിന്നു വന്ന 50 വയസുള്ള ചെങ്കള സ്വദേശിയ്ക്കും ഇദ്ദേഹത്തിന്‍റെ 20 വയസുള്ള മകള്‍ക്കും എന്നിവര്‍ക്കും സമ്പര്‍ക്കത്തിലൂടെ രോഗം സ്ഥിരീകരിച്ചു.

Also Read: സിപിഎമ്മില്‍ 'വെട്ടിനിരത്തല്‍'... കുന്നംകുളം പുഴയ്ക്കല്‍ ഏരിയാ കമ്മറ്റികളില്‍ 'വിഭാഗീയതയ്ക്ക്' താക്കീത്, പുഴയ്ക്കല്‍ ഏരിയാ സെക്രട്ടറിയെ മാറ്റി!

ജൂലൈ ഏഴിന് വന്ന 25 വയസുള്ള കുംബഡാജെ സ്വദേശിനി, ജൂണ്‍ 25 ന് വന്ന 30 വയസുള്ള ദേലംപാടി പഞ്ചായത്ത് സ്വദേശി (ഇരുവരും സൗദിയില്‍ നിന്നെത്തിയവര്‍), ജൂണ്‍ 25 ന് അബുദാബിയില്‍ നിന്നെത്തിയ 50 വയസുള്ള തൃക്കരിപ്പൂര്‍ പഞ്ചായത്ത് സ്വദേശി എന്നിവര്‍ക്കും ജൂണ്‍ 22 ന് യുപിയില്‍ നിന്നെത്തിയ കുമ്പളയില്‍ തയ്യല്‍ കടയില്‍ ജോലിചെയ്യുന്ന 38 വയസുള്ള യുപി സ്വദേശി, ജൂണ്‍ 27 ന് ബംഗളൂരുവില്‍ നിന്ന് കാറില്‍ എത്തിയ 23 വയസുള്ള മൊഗ്രാല്‍പുത്തൂര്‍ പഞ്ചായത്ത് സ്വദേശി എന്നിവര്‍ക്കാണ് കൊവിഡ് സ്ഥിരീകരിച്ചത്.