പരീക്ഷ എഴുതാൻ പോയി, മുൻഷി ഇനി മടങ്ങിയെത്തില്ല; ബെംഗളൂരുവിൽ അപകടത്തിൽപെട്ട് കാസ‍ര്‍കോട്ടെ യുവാവിന് ദാരുണാന്ത്യം

കാസര്‍കോട്: പരീക്ഷയെഴുതാന്‍ പോയ എഞ്ചിനീയറിങ്ങ് വിദ്യാര്‍ഥി ബെംഗളൂരുവില്‍ വാഹനാപകടത്തില്‍ മരിച്ചു. കാസര്‍കോട് മഞ്ചേശ്വരം ഹൊസങ്കടിയിലെ ജി എ മുസ്തഫയുടെ മകന്‍ മുഹമ്മദ് മുന്‍ഷി (25) ആണ് മരിച്ചത്. ബെംഗളൂരു ഇലക്ട്രോണിക് സിറ്റി മെയിന്‍ റോഡില്‍ വെള്ളിയാഴ്ച രാത്രിയിലാണ് അപകടമുണ്ടായത്. പരീക്ഷ കഴിഞ്ഞു ബൈക്കിന് പിന്നിലിരുന്നു യാത്ര ചെയ്യവെയാണ് സിഗ്‌നല്‍ ജംഗ്ഷനില്‍ ലോറി ഇടിച്ചു തെറിപ്പിച്ചത്.

Also Read: മലയാളിയായ ക്രിക്കറ്റ് താരം അജ്മാനില്‍ തൂങ്ങിമരിച്ച നിലയില്‍

ബെംഗളൂരുവില്‍ മെക്കാനിക്കല്‍ എന്‍ജിനീയറിങ് വിദ്യാര്‍ഥികളായ ആറുപേര്‍ മൂന്നു ബൈക്കുകളിലായി പരീക്ഷ കഴിഞ്ഞ് അത്തിബലെയിലെ താമസ സ്ഥലത്തേക്ക് പോകുകയായിരുന്നു. റോഡില്‍ വീണ ഇരുവരെയും ആശുപത്രിയിലെത്തിച്ചെങ്കിലും മുന്‍ഷി മരണപ്പെട്ടു. സുഹൃത്തിൻ്റെ നില ഗുരുതരമല്ല. സെന്റ് ജോണ്‍സ് ആശുപത്രിയിലെ മോര്‍ച്ചറിയിലേക്ക് മൃതദേഹം രാത്രി തന്നെ മാറ്റി.

Also Read: തുളുനാടിന്‍റെ സാംസ്‌കാരിക കേന്ദ്രം യാഥാര്‍ത്ഥ്യമായി; തുളുഭവന്‍ മന്ത്രി എകെ ബാലന്‍ നാടിന് സമര്‍പ്പിച്ചു

ഒരു പരീക്ഷ ബാക്കി നില്‍ക്കെയായായിരുന്നു അപകട മരണം. തിങ്കളാഴ്ച നാട്ടിലേക്ക് പുറപ്പെടാനുള്ള ഒരുക്കത്തിലുമായിരുന്നു. പരീക്ഷയെഴുതുവാനായാണ് മൂന്നുദിവസം മുൻപ് നാട്ടിലില്‍ നിന്നും ബെംഗളൂരുവിലേക്ക് പോയത്. പോസ്റ്റുമോര്‍ട്ടത്തിനു ശേഷം മൃതദേഹം ശനിയാഴ്ച വൈകീട്ട് നാട്ടിലെത്തിക്കും. സഹോദരങ്ങള്‍: മുര്‍ഷിദ്, അച്ചു. ഒരു സഹോദരിയുമുണ്ട്.

Also Read: കെടി ജലീലിന്‍റെ രാജി; കാസര്‍കോട് യുവമോര്‍ച്ചയുടെ മാര്‍ച്ചില്‍ സംഘര്‍ഷം, പോലിസ് ജലപീരങ്കി പ്രയോഗിച്ചു



കാസർകോട് ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ