കാസര്‍കോട് സ്വദേശി കുവൈറ്റിൽ കുഴഞ്ഞുവീണ് മരിച്ചു

കാസര്‍കോട്: തൃക്കരിപ്പൂര്‍ സ്വദേശി കുവൈറ്റിൽ കുഴഞ്ഞുവീണ് മരിച്ചു. ഇടയിലെക്കാട് മുണ്ടയില്‍ രാജന്‍ (48) ആണ് ഹൃദയാഘാതം മൂലം കുവൈത്തില്‍ മരണപ്പെട്ടത്. അബ്ബാസിയയിലെ താമസസ്ഥലത്ത് കുഴഞ്ഞു വീഴുകയായിരുന്നു. ശുവൈഖിലുള്ള അല്‍ ഖാലിദ് പ്ലാസ്റ്റിക് കമ്പനി ജീവനക്കാരനാണ്. മൃതദേഹം ഫര്‍വ്വാനിയ ദജീജ് മോര്‍ച്ചറിയില്‍ സൂക്ഷിച്ചിരിക്കുകയാണ്. ബന്ധുക്കളും, സന്നദ്ധ സംഘടന പ്രവര്‍ത്തരും ചേര്‍ന്ന് മൃതദേഹം നാട്ടിലെത്തിക്കാനുള്ള ശ്രമത്തിലാണ്.

Also Read: സെക്യൂരിറ്റി ജീവനക്കാരനെ അടിച്ചുകൊന്ന അജ്ഞാതൻ എവിടെ? കൊലപാതകത്തിന് തുമ്പായില്ല, അവധി ഒഴിവാക്കിയ ജോൺ എത്തിയത് മരണത്തിലേക്ക്!

ഇടയിലെക്കാട്ടെ കുഞ്ഞിരാമന്റെയും നാരായണിയുടെയും മകനാണ് രാജന്‍. ഭാര്യ: പ്രിജി. ഏക മകന്‍ അദ്വൈത്. സഹോദരങ്ങള്‍: അമ്പൂഞ്ഞി, ലക്ഷ്മണന്‍ (കുവൈറ്റ്), പ്രഭാകരന്‍, പ്രകാശന്‍, ശാന്ത, ശകുന്തള.

Also Read: തങ്കുപ്പൂച്ചേ... ഉറക്കെ വിളിച്ചുനോക്കിയേ... തങ്കുപ്പൂച്ചയുടെയും മിട്ടുപ്പൂച്ചയുടെയും കഥപറഞ്ഞ ടീച്ചര്‍ ദാ ഇവിടെയുണ്ട്!

കഴിഞ്ഞ ദിവസം കുവൈറ്റ് കെഎംസിസി തൃക്കരിപ്പൂര്‍ മണ്ഡലം അംഗം ചെറുവത്തൂര്‍ തുരുത്തിയിലെ ടി പി റാഷിദും ഹൃദയാഘാതത്തെ തുടര്‍ന്ന് കുവൈറ്റിൽ വെച്ച് മരണപ്പെട്ടിരുന്നു. കുവൈറ്റിൽ ഭാഗികമായി കൊവിഡ് നിയന്ത്രണം നീക്കിയ പശ്ചാത്തലത്തില്‍ തൻ്റെ സ്ഥാപനമായ ഹോട്ടലിലെ ശുചീകരണ പ്രവൃത്തികള്‍ക്കിടേയാണ് ഹൃദയാഘാതമുണ്ടായത്.

Also Read: കണ്ണൂരിന് ആശ്വാസത്തിൻ്റെ ദിനം; പുതിയ കൊവിഡ് കേസുകളില്ല, ഒരാൾക്ക് രോഗമുക്തി