കാസര്കോട്: നൃത്തത്തെ നെഞ്ചിലേറ്റിയ അഭിനവ് വിജയനും അഭിന വിയജനും പഠനത്തിലും എ പ്ലസ്. പത്താംക്ലാസ് പരീക്ഷയില് മുഴുവന് വിഷയങ്ങള്ക്കും എ പ്ലസ് നേടിയ ആഹ്ലാദത്തിലാണ് ഈ ഇരട്ട കുട്ടികള്. പാണൂര്മൂല തെക്കിലെ വിജയന് മുല്ലച്ചേരിയുടെയും സൗമ്യയുടെയും മക്കളാണ് ഇവര്.
പഠനത്തോടൊപ്പം നൃത്തത്തെയും സ്നേഹിക്കുന്നു. എട്ടുവര്ഷമായി ചെര്ക്കള രാജേഷിന്റെ കീഴില് ശാസ്ത്രീയ നൃത്തം പഠിച്ചുവരികയാണിവര്. ചട്ടഞ്ചാല് ഹയര് സെക്കണ്ടറി സ്കൂളിലെ വിദ്യാര്ഥികളായ ഇവര് ഇക്കഴിഞ്ഞ സംസ്ഥാന സ്കൂള് കലോത്സവത്തില് അഭിനവ് ഭരതനാട്യത്തിലും നാടോടി ന്യത്തത്തിലും അഭിന നാടോടി നൃത്തത്തിലും സംഘനൃത്തത്തിലും മികവ് തെളിയിച്ചിട്ടുണ്ട്.
Also Read: കണ്ണൂരില് വിമാനമിറങ്ങിയവര് കാസര്കോട്ടെ ലോഡ്ജില് തങ്ങി; രാത്രി തന്നെ അതിര്ത്തി കടത്തി ജില്ലാ ഭരണകൂടം
ദോപ്പാലില് വെച്ച് നടക്കുന്ന ദേശീയ കലോത്സവില് നാടോടി നൃത്തം അവതരിപ്പിക്കാന് അര്ഹത നേടി അഭിനവ് വിജയന്. ചട്ടഞ്ചാല് ഹയര് സെക്കണ്ടറി സ്കൂളിലെ 10ാാം ക്ലാസ് വിദ്യാര്ഥിയാണ് അഭിനവ്. ലോക്ക് ഡൗൺ പഠനത്തെ ഒരിക്കലും അത് ബാധിച്ചിരുന്നില്ലെന്ന് ഇരുവരും പറയുന്നു. 'അതത് ദിവസം പഠിക്കുന്ന പാഠ ഭാഗങ്ങള് അതത് ദിവസം തന്നെ പഠിക്കാന് ശ്രമിക്കാറുണ്ട്'. അഭിനവും അഭിനയും വിജയ രഹസ്യം വ്യക്തമാക്കുന്നു. പരീക്ഷയ്ക്ക് ശേഷവും ഇവര് വെറുതെയിരുന്നില്ല. ടിക് ടോക്കിലും ഫേസ് ബുക്കിലും പോസ്റ്റ് ചെയ്ത ഇവരുവരുടെയും നൃത്തങ്ങള് വൈറലായിരുന്നു. നൃത്തത്തിനായി പ്രത്യേക ഫേസ്ബുക്ക് പേജും തുടങ്ങിയിരുന്നു. സയന്സ് ഗ്രൂപ്പ് എടുത്ത് ഉന്നത വിദ്യാഭ്യാസം നേടാണ് ഇരുവരുടെയും ആഗ്രഹം. ഒപ്പം ന്യത്തവും തുടരും.