മാതാവും പിതാവും കൊവിഡ് ആശുപത്രിയില്‍, കുഞ്ഞിന്‍റെ പിറന്നാളാഘോഷം ഗംഭീരമാക്കി കാസര്‍കോട് ആശുപത്രി ജീവനക്കാര്‍

കാസര്‍കോട്: കൊവിഡ് ആശുപത്രിയില്‍ ഒന്നാം പിറന്നാളാഘോഷം. കാസര്‍കോട് ജനറലാശുപത്രിയിലാണ് അപ്രതീക്ഷിതമായ സന്തോഷ നിമിഷങ്ങളുണ്ടായത്. പള്ളിക്കല്‍ വിദ്യനഗര്‍ സ്വദേശികളായ ദമ്പതികളുടെ മകളുടെ പിറന്നാളാണ് ആശുപത്രി ജീവനക്കാരുടെ നേതൃത്വത്തില്‍ കെങ്കേമമാക്കിയത്. കഴിഞ്ഞ മാസം 17 നു ദുബായില്‍ നിന്നും വന്ന കുഞ്ഞിന്‍റെ പിതാവിന് കൊവിഡ് ബാധ സ്ഥിരീകരിച്ചതിനെ തുടര്‍ന്നു ജനറല്‍ ആശുപത്രിയില്‍ പ്രവേശിപ്പിച്ചത്.

Also Read: 'മുഖ്യമന്ത്രി കേരളത്തെ ഒറ്റി, അവയവ മാഫിയകള്‍ക്ക് സര്‍ക്കാര്‍ സഹായം ചെയ്യുന്നു, ഐടി മന്ത്രി പദവി ഒഴിയണം', പ്രതിഷധവുമായി യൂത്ത് കോണ്‍ഗ്രസ്

പിന്നീട് മാതാവിനും കൊവിഡ് ബാധിച്ചു ആശുപത്രിയില്‍ എത്തേണ്ടി വന്നു. ഈ സാഹചര്യത്തില്‍ മാതാപിതാക്കള്‍ കഴിയുന്ന ആശുപത്രിയില്‍ നിര്‍ത്തേണ്ടിവന്നു അധികൃതര്‍ക്ക്. ജീവനക്കാരുടെ കരലാളനയിലാണ് കുട്ടി ഇപ്പോള്‍ ജീവിച്ചുവരുന്നത്. അതിനിടയാലാണ് മകളുടെ പിറന്നാള്‍ ആഘോഷിക്കാന്‍ പറ്റാത്ത അവസ്ഥയെക്കുറിച്ച് ദമ്പതികള്‍ നഴ്‌സുമാരോട് പറഞ്ഞത്. ഇതറിഞ്ഞ ആശുപത്രിയിലെ നഴ്‌സുമാരും ഡോക്ടര്‍മാരും മറ്റു പ്രവര്‍ത്തകരും കൂടി മോളുടെ പിറന്നാള്‍ ആഘോഷിക്കാന്‍ തീരുമാനിച്ചത്.

Also Read: വാഴത്തോപ്പില്‍ വാറ്റുചാരായ കേന്ദ്രം; പാലക്കാട് 2 പേര്‍ പിടിയില്‍

ഇക്കാര്യം മാതാപിതാക്കളെ അറിയിച്ചിരുന്നില്ല. ഇന്ന് രാവിലെ തന്നെ കേക്ക് മുറിച്ച് പിറന്നാളാഘോഷിക്കുകയായിരുന്നു. ഇതറിഞ്ഞ് അമ്പരന്ന മാതാപിതാക്കള്‍ സന്തോഷത്തിലായി. ആരോഗ്യ പ്രവര്‍ത്തകരുടെ ഈ സര്‍പ്രൈസില്‍. ആശുപത്രി ജീവനക്കാര്‍ ഒരുക്കിയ ഈ ഒന്നാം പിറന്നാളില്‍ സന്തോഷിക്കുന്നതായി മാതാപിതാക്കള്‍ അറിയിച്ചു. കൂടാതെ ഒരു ബിഗ് സല്യൂട്ട് നല്‍കാനും അവര്‍ മറന്നില്ല.
കൊറോണ വൈറസ് ബാധിച്ച രോഗികള്‍ ചേര്‍ന്ന് ആശുപത്രിയില്‍ ബോറടി മാറ്റാന്‍ കൈമുട്ടി പാട്ടു പാടുന്ന സംഭവങ്ങള്‍ നേരത്തെ തന്നെ വൈറലായിരുന്നു. അതിനിടേയാണ് അപ്രതീക്ഷിതമായി വന്ന ഒരു പിറന്നാളാഘോഷം.