ടി വി ശ്രീധരന്‍ മാസ്റ്റര്‍ ഹ്രസ്വമായ ചടങ്ങില്‍ വെച്ച് നാടിന് സമര്‍പ്പിച്ചു.
കുളത്തിന് നൂറ്റാണ്ടുകള്‍ പഴക്കം
കുളത്തിന് ദയരമംഗലം ക്ഷേത്രത്തിന്റെ നിര്‍മിതിയോളം പഴക്കമുണ്ടെന്നാണ് പഴമക്കാരുടെ പക്ഷം. പുരാതനമായ കുളം ഒരേക്കര്‍ സ്ഥലത്ത് പരന്നു കിടക്കുന്നതായിരുന്നു. ക്ഷേത്ര സംബന്ധമായ ആചരത്തിനായി കുളം ഉപയോഗിച്ചിരുന്നു. ദേവസ്വം സ്വത്തായിരുന്ന കുളം പിന്നീട് പഞ്ചായത്ത് ഏറ്റെടുക്കുകയായിരുന്നു. പ്രദേശവാസികള്‍ അലക്കാനും കുളിക്കാനും നീന്തല്‍ പഠിക്കാനും ഉപയോഗിച്ചിരുന്ന ഒരേക്കറോളം വിസ്തൃതിയുള്ള കുളം കാലപ്പഴക്കത്താല്‍ നാശത്തിന്റെ വക്കിലായിരുന്നു.
കുളത്തിന് പുതുജീവന്‍
തകര്‍ന്ന മതിലിനരികില്‍ മരക്കമ്പിനാല്‍ വേലികെട്ടി താത്കാലികസംരക്ഷണം ഏര്‍പ്പെടുത്തുകയായിരുന്നു. സ്വകാര്യവ്യക്തിയുടെ മതിലിനും കുളത്തിനുമിടയില്‍ ഇടുങ്ങിയ സ്ഥലം മാത്രമാണുണ്ടായിരുന്നത്. രാത്രിയില്‍ ശ്രദ്ധയൊന്നു പിഴച്ചാല്‍ അപകടമുറപ്പായിരുന്നു. നേരത്തേ പടവുകളെല്ലാം തകര്‍ന്നുനശിച്ചിരുന്നു. 20 വര്‍ഷം മുന്‍പ് ബ്ലോക്ക് പഞ്ചായത്ത് പദ്ധതിയില്‍ പടവുകളും മതിലും കെട്ടി നവീകരിച്ചിരുന്നു. വിസ്തൃതിയില്‍ ജില്ലയിലെ വലിയ കുളങ്ങളിലൊന്നാണ് പുതിയകുളം.
ജില്ലയിലെ നീന്തല്‍ പരിശീലനത്തിനുള്ള കുളം
ജില്ലാതലത്തിലുള്ള നിരവധി നീന്തല്‍ മത്സരങ്ങള്‍ക്ക് വേദിയായ കുളമായിരുന്നു ഈ കുളം. നവീകരിച്ചതോടെ നിരവധി താരങ്ങള്‍ക്ക് പരിശീലനമൊരുക്കാനാണ് പദ്ധതി. പഞ്ചായത്ത് പദ്ധതി ആവിഷക്കരിച്ചതോടെ ആധുനീക രീതിയിലുള്ള കുളമായി പുതിയ കുളം മാറി. പൂര്‍ണതോതിയുള്ള സംരക്ഷണത്തോടെയാണ് ചുറ്റുമതില്‍ പണിതിരിക്കുന്നത്. കുളക്കടവും പണിതിട്ടുണ്ട്. രാത്രികാലത്തുപോലും മത്സരം നടത്താനുള്ള സൗകര്യത്തോടെ വെളിച്ചവും സ്ഥാപിച്ചതോടെ കുളം ആകര്‍ഷണീയമായി. ചുറ്റുമതില്‍ നിറയെ ജലസംരക്ഷണ സന്ദേശവും ആലേഖനം ചെയതിട്ടുണ്ട്.