പഞ്ചായത്ത് സെക്രട്ടറി ക്ലാര്‍ക്കിൻ്റെ മുഖത്ത് തുപ്പിയതായി പരാതി; ആശങ്ക പരത്തി പനി, സ്രവം പരിശോധിക്കും

കാസര്‍കോട്: വാക്കു തര്‍ക്കത്തിനിടേ ബദിയടുക്ക പഞ്ചായത്തില്‍ സെക്രട്ടറി യുഡി ക്ലര്‍ക്കിൻ്റെ മുഖത്ത് തുപ്പിയതായി പരാതി. വിവാദം കൊഴുക്കുന്നതിനിടെ പഞ്ചായത്ത് സെക്രട്ടറിക്ക് പനിബാധിച്ചത് ആശങ്ക പരത്തി. ആരോഗ്യവകുപ്പ് സ്രവം പരിശോധനക്ക് അയച്ചിരിക്കുകയാണ്. പഞ്ചായത്തിലെ യുഡി ക്ലാര്‍ക്കും കൊല്ലം സ്വദേശിയുമായ രാജ് മോഹനനാണ് സെക്രട്ടിറിക്കെതിരെ മുഖത്ത് തുപ്പിയതായി പോലീസില്‍ പരാതിപ്പെട്ടത്.

Also Read: പാമ്പിനെ പോസ്റ്റുമോർട്ടം ചെയ്ത ഉത്ര കേസ്! പൂച്ച വഴിത്തിരിവായ കരീലക്കുളങ്ങരയിലെ യുവതിയുടെ കൊലപാതകം!പോലീസിനെ തുണച്ച അപ്രതീക്ഷിത തുമ്പുകൾ

സംഭവത്തില്‍ ബദിയടുക്ക പോലീസ് പ്രാഥമീക അന്വേഷണം വരുന്നതിനിടെയാണ് പുതിയ സംഭവം നടന്നത്. പഞ്ചായത്തിലെ കൊവിഡ് പ്രതിരോധ പ്രവര്‍ത്തനങ്ങളുടെ ചുമതല ഈ സ്ഥാപനത്തിലെ രണ്ടു ജീവനക്കാര്‍ക്ക് നല്‍കിയിരുന്നു. കണ്ണൂര്‍ സ്വദേശികളായിരുന്നു ഇരുവരും. ചുമതല നല്‍കിയതായി സെക്രട്ടറി ഇറക്കിയ ഉത്തരവ് കൈപ്പറ്റാതെ ജീവനക്കാര്‍ ലോക്ക് ഡൗണ്‍ പ്രഖ്യാപിച്ചതോടെ നാട്ടില്‍ പോയിരുന്നു. പിന്നീട് തിരിച്ചുവന്നിരുന്നില്ല. അതിനിടെ അവര്‍ക്ക് സ്വന്തം നാട്ടിലേക്ക് സ്ഥലമാറ്റവും ലഭിച്ചിരുന്നു. മറ്റു പഞ്ചായത്തില്‍ ജോയിന്‍ ചെയ്ത അവരോട് ഉത്തരവ് വാങ്ങാത്തതിന് വിശദീകരണം ആവശ്യപ്പെട്ടിരുന്നു. അവര്‍ക്ക് നോട്ടീസ് നല്‍കാന്‍ പുതുതായി എത്തിയ യുഡി ക്ലാര്‍ക്കായ രാജ്‌മോഹനനെ ഏല്‍പിച്ചിരുന്നു.

Also Read: കൊവിഡ് നിരീക്ഷണത്തിലിരുന്ന കടമ്പഴിപ്പുറം സ്വദേശിനി മരിച്ചു; ചെന്നൈയില്‍ നിന്നെത്തിയത് കഴിഞ്ഞയാഴ്ച!

എന്നാല്‍ നോട്ടീസിലെ വാചകങ്ങള്‍ മനസിലാകുന്നില്ലെന്ന കാരണത്താല്‍ നോട്ടീസ് ബന്ധപ്പെട്ടവര്‍ക്ക് കൈമാറിയിരുന്നില്ല. ഇതില്‍ പ്രകോപിതനായ സെക്രട്ടറി ക്ലാര്‍ക്കിനെതിരെ നടപടി ആവശ്യപ്പെട്ട് പഞ്ചായത്ത് ഭരണ സമിതിക്ക് കത്ത് നല്‍കിയിരുന്നു. എന്നാല്‍ തിങ്കളാഴ്ച സമിതിയോഗം നടത്താന്‍ തീരുമാനമുണ്ടായെങ്കിലും നടന്നില്ല. ഇതിനെ ചൊല്ലി സെക്രട്ടറിയും ക്ലര്‍ക്കും തമ്മില്‍ വാക്കേറ്റം നടന്നിരുന്നു. ഇതിനിടയിലാണ് സെക്രട്ടറി മുഖത്ത് തുപ്പിയതെന്നാണ് രാജ്‌മോഹന്റെ പരാതി.

Also Read: പേഴ്സ് കളഞ്ഞുകിട്ടി, തുറന്നപ്പോൾ സ്വര്‍ണമാലയും പണവും; തിരികെ നല്‍കി യുവാവ്

സംഭവത്തിന് ശേഷമാണ് സെക്രട്ടറിക്ക് പനിയുണ്ടായിരുന്നുവെന്ന കാര്യം മറ്റുജീവനക്കാര്‍ അറിയുന്നത്. ഇതേ തുടര്‍ന്ന് ആരോഗ്യ വകുപ്പ് അധികൃതരെ വിവരമറിയിക്കുകയായിരുന്നു. പരിശോധനാഫലം വരുന്നതുവരെ ബദിയടുക്കയിലെ താമസ സ്ഥലത്ത് തന്നെ ക്വാറൻ്റൈനില്‍ പോകാന്‍ പഞ്ചായത്ത് സെക്രട്ടറിയോട് അധികൃതര്‍ നിര്‍ദേശിച്ചിരിക്കുകയാണ്.