മഹാരാഷ്ട്രയില്‍ നിന്നെത്തുന്നത് തീവ്രതയേറിയ വൈറസ്; കാസര്‍കോട്ടുകാര്‍ ജാഗ്രതപുലര്‍ത്തണം, പ്രതിസന്ധി രൂക്ഷമാകുമെന്ന് ജില്ല കലക്ടര്‍

കാസര്‍കോട്: കാസര്‍കോട് ജില്ലയില്‍ രോഗികളുടെ എണ്ണം ഉയര്‍ന്നേക്കുമെന്ന് ജില്ലാ കളക്ടര്‍ ഡോ. സജിത് ബാബു. ഇപ്പോള്‍ മഹാരാഷ്ട്രയില്‍ നിന്ന് ജില്ലയിലെത്തിയത് വളരെ തീവ്രതയെറിയ വൈറസാണെന്നും നേരിയ സമ്പര്‍ക്കത്തിലൂട പോലും പകരാമെന്നും കളക്ടര്‍ മുന്നറിയിപ്പ് നല്‍കി. ഇടവേളക്ക് ശേഷം കാസര്‍കോട്ടെ കൊവിഡ് വ്യാപന സാഹചര്യം അതീവ ഗൗരവമുള്ളതാണ്. ജില്ലയില്‍ രോഗികളുടെ എണ്ണം ഉയര്‍ന്നേക്കും. എന്നിരുന്നാലും ഇപ്പോഴും കാര്യങ്ങള്‍ മനസിലാക്കാത്തവരുണ്ട്.

Also Read: സ്ത്രീകളുടെ പടം അയച്ച് അശ്ലീല ചാറ്റിങ് നടത്തി പണം തട്ടി; യുവാവ് അറസ്റ്റില്‍

പുറത്ത് നിന്ന് എത്തുന്നവര്‍ കൂടുതലാകുന്നതിന് അനുസരിച്ച് പ്രതിസന്ധിയും രൂക്ഷമാകുമെന്നാണ് കളക്ടര്‍ നല്‍കുന്ന മുന്നറിയിപ്പ്. മഹാരാഷ്ട്രയില്‍ നിന്ന് എത്തിയ രോഗ ബാധിതന്‍റെ സമ്പര്‍ക്കപ്പട്ടികയുള്ള
പൈവളിഗ പഞ്ചായത്താകെ പൂട്ടിയിടാന്‍ ഉദ്ദേശിക്കുന്നില്ല. സമ്പര്‍ക്കമുള്ള പ്രദേശങ്ങള്‍ മാത്രം അടച്ചിടും. പുറത്ത് നിന്ന് എത്തുന്നവര്‍ കൂടുതലാകുന്നതിന് അനുസരിച്ച് പ്രതിസന്ധിയും രൂക്ഷമാകുമെന്നും കളക്ടര്‍ പറഞ്ഞു. മഹാരാഷ്ട്രയില്‍ നിന്ന് വന്നത് തീവ്രതയുള്ള വൈറസ് ആണ്. നേരിയ സമ്ബര്‍ക്കം ഉണ്ടായവര്‍ക്ക് പോലും രോഗം കിട്ടി. ജനങ്ങള്‍ പരമാവധി സഹകരിക്കണമെന്ന് കലക്ടര്‍ ഡോ. ഡി സജിത് ബാബു ആവശ്യപ്പെട്ടു.