കാസര്‍കോട് ജില്ലയില്‍ കലക്ടര്‍ക്ക് മുകളില്‍ പ്രത്യേക നിയമനം,ജില്ലയുടെ ചുമതല ഗവണ്‍മെന്‍റ് സെക്രട്ടറി അല്‍കേഷ് കുമാറിന്

കാസര്‍കോട്: ജില്ലയില്‍ കലക്ടര്‍ക്ക് മുകളില്‍ പ്രത്യേക നിയമനം. ഗവണ്‍മെന്റ് സെക്രട്ടറി അല്‍കേഷ് കുമാര്‍ ഐ.എ.എസിനെയാണ് ജില്ലയുടെ മേല്‍നോട്ട ചുമതല നല്‍കി നിയമിച്ചത്. കൊവിഡ് രോഗബാധിതരുടെ എണ്ണം ഭീതിതമായി വര്‍ധിക്കുന്നതും വലിയ ആശങ്കയ്ക്കാണ് വഴിവെച്ചിരിക്കുന്നത്. 82 പേര്‍ക്കാണ് ഇതിനകം കോവിഡ് ബാധിച്ചിരിക്കുന്നത്. ഈ സാഹചര്യത്തിലാണ് നിയമനം. കര്‍ണ്ണാടക അതിര്‍ത്തികള്‍ തുറക്കാത്തത് കാസര്‍കോട് ജില്ലയില്‍ വലിയ പ്രതിസന്ധിയാണ് സൃഷ്ടിക്കുന്നുന്നത്.

Also Read: കൊവിഡ് 19: അതിവേഗ ആശുപത്രി നിർമാണത്തിന് ഇന്ത്യയെ സഹായിക്കാമെന്ന് ചൈന

ജില്ലയില്‍ നിന്നുള്ള രോഗികള്‍ക്ക് അവര്‍ ഇത്ര നാളും ആശ്രയിച്ചിരുന്ന മംഗളൂരുവിലെ ആശുപത്രികളിലേക്ക് പോകാന്‍ സാധിക്കാത്തതാണ് പ്രധാനവെല്ലുവിളി. തലപ്പാടിയിലെ അതിര്‍ത്തിയില്‍ കര്‍ണാടക പോലീസ് കേരളത്തിലെ ആരെയും കടത്തിവിടുന്നില്ല. ഇത് കാരണം രണ്ടുദിവസത്തിനിടേ ചികില്‍സ ലഭിക്കാതെ രണ്ടുപേരാണ് മരണപ്പെട്ടത്. പാട്‌ന സ്വദേശിനിയായ യുവതി വഴിതടഞ്ഞതോടെ ആംബുലന്‍സില്‍ പ്രസവിക്കേണ്ട ദുരിവുമുണ്ടായിരുന്നു. ഞായറാഴ്ച ഉച്ചകഴിഞ്ഞ് ജില്ലയിലെത്തുന്ന അദ്ദേഹം ഉടന്‍ തന്നെ ചുമതലയേല്‍ക്കും. 1990 ലെ ബാച്ചില്‍ പുറത്തിറങ്ങിയ ഐ.എ.എസ് ഓഫീസറാണ് അല്‍കേഷ് കുമാര്‍ ശര്‍മ. മുംബൈ ഇന്‍ഡസ്ട്രിയല്‍ കോറിഡോര്‍ ഡെവലപ്‌മെന്റ് കോര്‍പറേഷന്‍ എം.ഡിയായും കൊച്ചി മെട്രോ റെയില്‍വേയുടെ എം.ഡിയായും പ്രവര്‍ത്തിച്ചിട്ടുണ്ട്.