കരിവെള്ളൂര്‍ സ്വദേശിയായ ഹെല്‍ത്ത് ഇന്‍സ്‌പെക്ടര്‍ക്ക് കൊവിഡ്; നീലേശ്വരം നഗരസഭാ ഓഫീസ് അടച്ചിട്ടു, ഉറവിടം വ്യക്തമല്ല!

കാസര്‍കോട്: നീലേശ്വരം നഗരസഭ ജൂനിയര്‍ ഹെല്‍ത്ത് ഇന്‍സ്‌പെക്ടര്‍ക്ക് കൊവിഡ് സ്ഥിരീകരിച്ചതിനെ തുടര്‍ന്ന് നീലേശ്വരം നഗരസഭ അടച്ചിട്ടു. ചെയര്‍മാന്‍ ഉള്‍പ്പെടെ നഗരസഭയിലെ മുഴുവന്‍ ജീവനക്കാരും അടക്കം നിരീക്ഷണത്തില്‍ പോയി. കണ്ണൂര്‍ കരിവെളളൂര്‍ സ്വദേശിയായ ഹെല്‍ത്ത് ഇന്‍സ്‌പെക്ടര്‍ക്ക് എവിടെ നിന്ന് രോഗം പകര്‍ന്നു എന്ന് വ്യക്തമായിട്ടില്ല. ഇന്ന് 12 മണിയോടെയാണ് കൊവിഡ് പരിശോധനാഫലമെത്തിയത്.

Also Read: സുപ്രീംകോടതി വിധി; പത്മനാഭസ്വാമിയുടെ അനുഗ്രഹമെന്ന് രാജകുടുംബം, റിവ്യൂ ഹര്‍ജി നല്‍കില്ല... കോടതി നിര്‍ദേശം നടപ്പാക്കുമെന്ന് സര്‍ക്കാര്‍

അതേസമയം കഴിഞ്ഞ ദിവസം മലയോരത്ത് 69 കാരന് കൊവിഡ് സ്ഥിരീകരിച്ചതിനെ തുടര്‍ന്ന് വ്യാപനം തടയാന്‍ പനത്തടി പഞ്ചായത്തില്‍ ലോക്ഡൗണ്‍ പ്രഖ്യാപിച്ചതായി പഞ്ചായത്ത് പ്രസിഡന്‍റ് പിജി മോഹനന്‍ പിള്ള അറിയിച്ചു. പഞ്ചായത്ത്, റവന്യൂ, ആരോഗ്യ, പോലീസ് വകുപ്പുകളുമായി ചേര്‍ന്ന നാട്ടുകാരുടെ സര്‍വകക്ഷിയോഗത്തിലാണ് ഈ തീരുമാനം. നാളെ മുതല്‍ ഈമാസം 22 വരെയാണ് ലോക്ഡൗണ്‍. പഞ്ചായത്ത് പരിധിയില്‍ നാളെ രാവിലെ 11 മുതല്‍ വൈകീട്ട് അഞ്ചുവരേ അവശ്യ സാധനങ്ങള്‍ വില്‍ക്കുന്ന കടകള്‍ക്ക് തുറക്കാം. സമീപ പഞ്ചായത്തായ കള്ളാറിലും ഇത് ബാധകമാക്കിയതായി അധികൃതര്‍ അറിയിച്ചു.