ഡി വൈ എസ് പിയുടെ നേതൃത്വതത്തില്‍ സ്പെഷ്യല്‍ റെയ്ഡ്, കാസര്‍കോട് കുടുങ്ങിയത് നിരവധി കവര്‍ച്ച കേസിലെ പ്രതി

കാസര്‍കോട്: ഡി വൈ എസ് പി നടത്തിയ സ്‌പെഷ്യല്‍ റെയിഡില്‍ കുടുങ്ങിയത് മൂന്ന് കവര്‍ച്ചാ കേസിലെ പ്രതി. ഉപ്പള ഹിദായത്ത് ബസാറിലെ ഇസ്മഈല്‍ സമീര്‍ (30) എന്ന ആപ്പുവിനെയാണ് കാസര്‍കോട് ഡി വൈ എസ് പി പി ബാലകൃഷ്ണന്‍ നായരുടെ നേതൃത്വത്തില്‍ അറസ്റ്റു ചെയ്തത്. അധോലോക പ്രവര്‍ത്തനങ്ങള്‍ നടന്നുവരുന്ന ഉപ്പളയില്‍ കഞ്ചാവ് മയക്കുമരുന്ന് സംഘത്തെ തുരത്താന്‍ ആളൊഴിഞ്ഞ വീടുകളിലും മറ്റും കഴിഞ്ഞ ദിവസങ്ങളില്‍ ഡി വൈ എസ് പിയും സംഘവും പരിശോധനടത്തി വരികയാണ്.

Also Read: കണ്ണുരിൽ കുടിൽ വ്യവസായം പോലെ ബോംബ് നിർമ്മാണം? പോലീസിനെ നോക്കുകുത്തിയാക്കി അക്രമം തുടരുന്നു, മട്ടന്നൂരില്‍ കണ്ടെത്തിയത് മാരകായുധങ്ങള്‍

ഇതിന്‍റെ ഭാഗമായാണ് കാസര്‍കോട് മഞ്ചേശ്വരം താലൂക്കുകളില്‍ തുടര്‍ച്ചയായ റെയ്ഡ് നടക്കുന്നത്. മഞ്ചേശ്വരം, ഉപ്പള, കുമ്പള എന്നിവടങ്ങളിലെ മണല്‍കടത്ത് കേന്ദ്രങ്ങളും ഡി വൈ എസ് പിയുടെ നേതൃത്വത്തില്‍ തകര്‍ത്തിരുന്നു. മഞ്ചേശ്വരം പോലീസ് സ്റ്റേഷന്‍ പരിധിയില്‍ നടന്ന റെയ്ഡില്‍ സ്‌ക്വാഡ് അംഗങ്ങളായ മേല്‍പ്പറമ്പ സ്റ്റേഷനിലെ എസ് ഐ പത്മനാഭന്‍, പോലീസുദ്യോഗസ്ഥരായ ലക്ഷ്മി നാരായണന്‍, തോമസ്, രാജേഷ്, ഓസ്റ്റിന്‍ എന്നിവര്‍ പങ്കെടുത്തു. പ്രതിയെ കാസര്‍കോട് കോടതിയില്‍ ഹാജരാക്കി.

കാസർകോട് ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ

കാസർകോട് ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ