കാസര്‍കോട് കൊവിഡ് ഭേദമായ ആള്‍ക്ക് വീണ്ടും കൊവിഡിൻ്റെ ലക്ഷണം? വാര്‍ത്തയുടെ സത്യം ഇതാണ്..!

കാസര്‍കോട്: കൊവിഡ്-19 രോഗം ചികിത്സിച്ച് ഭേദമായ ഒരാള്‍ക്ക് വീണ്ടും രോഗം സ്ഥിരീകരിച്ചതായി ചില ദൃശ്യ മാധ്യമങ്ങളില്‍ വന്ന വാര്‍ത്ത വാസ്തവവിരുദ്ധമാണെന്ന് ജില്ലാ മെഡിക്കല്‍ ഓഫീസര്‍ ഡോ. എ വി രാംദാസ്. രോഗമുക്തി നേടിയ പള്ളിക്കര സ്വദേശി പനിയും ചുമയും ലക്ഷണങ്ങളുമായി ജില്ലാ ആശുപത്രിയില്‍ പരിശോധനക്കെത്തിയതിനാല്‍ ഇദ്ദേഹത്തെ ആശുപത്രിയില്‍ അഡ്മിറ്റ് ചെയ്തിരുന്നു. തൊണ്ടയിലെ സ്രവം ഇന്ന് ആലപ്പുഴ വൈറോളജി ഇന്‍സ്റ്റിറ്റ്യൂട്ടിലേക്ക് സംശയനിവാരണത്തിനായി പരിശോധനയ്ക്ക് അയച്ചിട്ടുണ്ട്. ഇദ്ദേഹത്തിന് വീണ്ടും രോഗം സ്ഥിരീകരിച്ചുവെന്നത് തികച്ചും അടിസ്ഥാനരഹിതമാണെന്നും ഡിഎംഒ അറിയിച്ചു.

Also Read: സിപിഎം നേതാക്കളുടെ സമ്പര്‍ക്ക പട്ടികയില്‍ ആശങ്ക; മഹാരാഷ്ട്രയില്‍ നിന്നെത്തിയ ബന്ധുവിനെ സ്വീകരിക്കാന്‍ നേരിട്ടെത്തി

ഗള്‍ഫില്‍ നിന്നും നാട്ടിലെത്തിയ കളനാട് സ്വദേശിയില്‍ നിന്ന് സമ്പര്‍ക്കത്തിലാണ് ഇയാള്‍ക്ക് ആദ്യം കൊവിഡ് പകര്‍ന്നതെന്നും വാര്‍ത്തയുണ്ടായതിനെ തുടര്‍ന്നാണ് അധികൃതരുടെ പ്രതികരണം. അതേസമയം രോഗം സ്ഥിരീകരിച്ച 178 പേരും രോഗമുക്തി നേടി ജില്ല കൊവിഡ് മുക്തി നേടിയതിനു ശേഷം വീണ്ടും കൊവിഡ് പടര്‍ന്നു പിടിക്കുന്നത് ജനങ്ങളെ ആശങ്കയിലാക്കിയിട്ടുണ്ട്. കൊവിഡിനെതിരെ ജാഗ്രത തുടരണമെന്നും പ്രതിരോധ പ്രവര്‍ത്തനങ്ങളില്‍ പാളിച്ചയുണ്ടായാല്‍ വലിയ പ്രത്യാഘാതങ്ങള്‍ക്ക് കാരണമാകുമെന്നുമാണ് അധികൃതര്‍ വ്യക്തമാക്കുന്നത്. 14 പേരാണ് നിലവില്‍ ജില്ലയില്‍ കൊവിഡ് ചികിത്സയിലുള്ളത്.

Also Read: കൊച്ചിയില്‍ നിന്നും യുപിയിലേക്ക് കടക്കാന്‍ ശ്രമിച്ച 72 അതിഥി തൊഴിലാളികളെ തിരിച്ചയച്ചു

Also Read: 80 രൂപയായിരുന്ന കോഴിയിറച്ചിയുടെ വില 260 ആയി; നില്‍പ് സമരം നടത്തി കോണ്‍ഗ്രസ്