കാസര്കോട്: മദ്യലഹരിയില് സുഹൃത്തുക്കള് തമ്മില് ഏറ്റുമുട്ടി. കുത്തിയ ആള് ദുരൂഹ സാഹചര്യത്തില് മരിച്ച നിലയില്. കുത്തേറ്റ ആളെ ആശുപത്രിയില് പ്രവേശിപ്പിച്ചു. നീലേശ്വരം പരപ്പ പട്ടളത്ത് ഇന്നലെ രാത്രി ഒന്പതോടെയാണ് സംഭവം. മദ്യപാനത്തിനിടെ തര്ക്കത്തെ തുടര്ന്ന് സുഹൃത്തുക്കളായ തോടന്ചാലിലെ കീരി രവിയെന്ന് അറിയപ്പെടുന്ന രവി(49)യും കാരാട്ട് കൂളിപാറയിലെ കണ്ണനും (49) തമ്മിലാണ് പരസ്പരം ഏറ്റുമുട്ടിയത്.
നെഞ്ചിന് കുത്തേറ്റ കണ്ണനെ ഇന്നലെ രാത്രി തന്നെ നാട്ടുകാരും വീട്ടുകാരും ചേര്ന്ന് പരിയാരം മെഡിക്കല് കോളേജില് കൊണ്ടുപോയിരുന്നു. എന്നാല് കുത്തിയെന്ന് സംശയിക്കുന്ന രവി(48)യെ സംഭവം നടന്ന തോട്ടത്തില് ദുരൂഹ സാഹചര്യത്തില് മരിച്ച നിലയില് ഇന്ന് രാവിലെ കണ്ടെത്തി. കണ്ണന്റെ വീട്ടില് വെച്ചായിരുന്നു ഇരുവരും മദ്യപിച്ചത്. തുടര്ന്നുണ്ടായ തര്ക്കത്തില് രവി കത്തി ഉപയോഗിച്ച് കണ്ണന്റെ നെഞ്ചില് കുത്തുകയായിരുന്നു. ബഹളത്തെ തുടര്ന്ന് അയല്വാസികളെത്തിയതോടെ രവി സ്ഥലം വിട്ടിരുന്നു.
Also Read: പ്രാഥമിക സമ്പര്ക്ക പട്ടികയിലുള്ളവര് നിരീക്ഷണത്തില് പോയില്ല; ഹൊസ്ദുര്ഗ് പോലീസ് സ്റ്റേഷനിലെ 6 പേര്ക്ക് കൊവിഡ്
കണ്ണനെ ഉടന് ആശുപത്രിയിലും പ്രവേശിപ്പിച്ചു. രവി അന്വേഷിച്ച് ഭാര്യ സുശീല ഇന്നുരാവിലെ കണ്ണന് താമസിക്കുന്ന വാടക വീട്ടിലേക്ക് പോയിരുന്നു. തുടര്ന്ന് നടത്തിയ തിരച്ചിലില് 300 മീറ്റര് അകലെയുളള കവുങ്ങുതോട്ടില് പരിക്കുകളോടെ രവിയുടെ മൃതദേഹം കണ്ടെത്തുകയായിരുന്നു. നാട്ടുകാര് വിവരം അറിയിച്ചതിനെ തുടര്ന്ന് വെള്ളരിക്കുണ്ട് പോലീസ് സര്ക്കിള് ഇന്സ്പെക്ടര് പ്രേംസദനന്, എസ്.ഐ ശ്രീദാസ് എന്നിവര് സംഭവസ്ഥലത്ത് എത്തി. ജില്ലാ പോലീസ് ചീഫ് ശില്പയും സ്ഥലം സന്ദര്ശിച്ചു.
ഇന്ക്വസ്റ്റ് നടപടികള് പൂര്ത്തിയാക്കി ശേഷം പോസ്റ്റുമോര്ട്ടത്തിനായി ആശുപത്രിയിലേക്ക് മാറ്റും. ചികിത്സയില് കഴിയുന്ന കണ്ണനെ പോലീസ് ആശുപത്രിയിലെത്തി ചോദ്യം ചെയ്യുമെന്ന് അധികൃതര് അറിയിച്ചു. തോടംചാല് കേളനിയിലെ പരേതനായ പരേതനായ കാവേരിയുടെയും ചിരുതയുടെയും മകനാണ്. സഹോദരി: ലീല.