വ്യാജ പ്രചരണം... വഞ്ചിതരാകരുത്
കളക്ടര്‍ സ്വന്തം ഐ പാഡില്‍ നിന്നാണ് അയക്കുന്നത് എന്നാണ് സന്ദേശത്തില്‍ പറയുന്നത്. സന്ദേശം ലഭിക്കുന്നത് executivecdirector29@gmail.com എന്ന മെയിലില്‍ നിന്നാണ്. എന്നാല്‍ ഇത് വ്യാജമാണെന്നും ഇതില്‍ വഞ്ചിതരാകരുതെന്നും ജില്ലാ കളക്ടര്‍ ഡോ. ഡി സജിത് ബാബു അറിയിച്ചു. കൊവിഡ് ബാധിച്ച് മരിച്ച ഡോക്ടര്‍ക്ക് പകരം മറ്റൊരു ഡോക്ടര്‍ മരിച്ചതായി പ്രചാരണം നടക്കുന്നത്. സംഭവത്തില്‍ ഐഎംഎ ജില്ലാ പോലീസ് മേധാവിക്ക് പരാതി നല്‍കി.
ഡോക്ടര്‍ മരിച്ചെന്ന് വ്യാജ പ്രചരണം
കാസര്‍കോട് ജനറല്‍ ആശുപത്രിയില്‍ നിന്നും വിരമിച്ച ശിശുരോഗ വിദഗ്ദ്ധന്‍ ഡോ. സതീഷ് സര്‍വോത്തം ഷാന്‍ ബോഗ് (66) ചൊവ്വാഴ്ച വൈകീട്ട് മരിച്ചിരുന്നു. ഓണ്‍ലൈനില്‍ വന്ന ഒരുവാര്‍ത്തയുടെ കൂടെ വ്യാജമായി കൂട്ടി ചേര്‍ക്കലുകള്‍ വരുത്തി ചെങ്കള നായനാര്‍ ആശുപത്രിയിലെ മുതിര്‍ന്ന ഡോക്ടറും പ്രശസ്ത ശിശുരോഗ വിദഗ്ദ്ധനുമായ ഡോ. യതീഷ് ആണ് മരിച്ചതെന്നായിരുന്നു വ്യാജ പ്രചാരണം. ജനറല്‍ ആശുപത്രിക്ക് മുന്‍ വശത്തായി ഗവണ്‍മെന്റ് സ്‌കൂളിന്‍ സമീപം ക്ലിനിക്കും ഡോ. യതീഷ് നടത്തുന്നുണ്ട്.
സമര പരിപാടികളുമായി ഐഎംഎ
മരിച്ചത് യതീഷ് ആണെന്ന തരത്തില്‍ വാട്‌സ് ആപ് ഗ്രൂപുകളില്‍ വ്യാജ സന്ദേശങ്ങള്‍ പ്രചരിച്ചതോടെ ഡോക്ടര്‍മാരും ആശുപത്രി അധികൃതര്‍ ഉള്‍പ്പെടെയുള്ളവരും പരിഭ്രാന്തിയിലായി. കഴിഞ്ഞ ദിവസം കുമ്പളയിലെ പ്രമുഖ ഡോക്ടര്‍ മരിച്ചതായും വ്യാജ പ്രചരണം നടത്തിയിരുന്നു. ഈ സംഭവത്തില്‍ അപമാനിക്കപ്പെട്ട ഡോക്ടര്‍ കുമ്പള പോലീസിലും, ഐഎംഎ ജില്ലാ പോലീസ് ചീഫിനും പരാതി നല്‍കിയിട്ടുണ്ട്. ഡോക്ടര്‍മാര്‍ക്കെതിരെ നടക്കുന്ന വ്യാജ പ്രചരണത്തില്‍ നടപടി ഉണ്ടായില്ലെങ്കില്‍ ഐഎംഎ ശക്തമായ സമരപരിപാടികളുമായി മുന്നോട്ട് പോകുമെന്നും ഭാരവാഹികള്‍ അറിയിച്ചു.