പ്രശസ്ത തെയ്യം കലാകാരന്‍റെ ജീവനെടുത്ത് കൊവിഡ്, കാസര്‍കോട് 24 മണിക്കൂറിനിടെ 4 മരണം

കാസര്‍കോട്: ജില്ലയില്‍ കൊവിഡ് വ്യാപനം രൂക്ഷമാകുന്നതിനൊപ്പം മരണ സംഖ്യയും വര്‍ധിക്കുന്നതില്‍ ആശങ്ക. കൊവിഡ് ബാധിച്ച് 24 മണിക്കൂറിനിടെ ജില്ലയില്‍ അഞ്ചുപേരാണ് മരണപ്പട്ടത്. ഇന്നലെ രണ്ടും ഇന്നു മൂന്നുപേരുമാണ് മരണപ്പെട്ടത്. പ്രശസ്ത തെയ്യം കലാകാരനും തബലിസ്റ്റുമായ വെള്ളിക്കോത്തെ ഭരതന്‍ പണിക്കറും(59 ) മരണത്തിന് കീഴടങ്ങി. വൃക്ക സംബന്ധമായ അസുഖത്തെത്തുടര്‍ന്ന് ജില്ലാശുപത്രിയില്‍ ചികിത്സയിലിരിക്കെ കൊവിഡ് ബാധിച്ചാണ് മരണം. രണ്ട് ദിവസം മുമ്പാണ് പരിയാരം ഗവ: മെഡിക്കല്‍ കോളേജ് ആസ്പത്രിയില്‍ പ്രവേശിപ്പിച്ചത്. വെള്ളിയാഴ്ച പുലര്‍ച്ചെയായിരുന്നു അന്ത്യം. കോട്ടച്ചേരി കുന്നുമ്മല്‍ വിഷ്ണുമൂര്‍ത്തി ക്ഷേത്രത്തിലെ പണിക്കറായിരുന്നു.

Also Read: അഞ്ചുദിവസം നീണ്ട ശ്രമകരമായ ദൗത്യം, ഒടുവില്‍ വിജയം; പീച്ചി അണക്കെട്ടിൻ്റെ തകരാര്‍ പരിഹരിച്ചു

പൊട്ടന്‍ ദൈവത്തിന്‍റെ തനതായ ശൈലിയില്‍ വാമൊഴി കൊണ്ടും കാര്യവും പരിഹാസവുമായി ഭക്തരുടെ മനസ്സില്‍ ഭക്തിനിറയ്ക്കാന്‍ സാധിപ്പിക്കാന്‍ കഴിയുന്ന തൈയ്യം കലാകാരനായിരുന്നു യാത്രയായത്. കഷ്ടപ്പാടിന്‍റെയും പട്ടിണിയുടെയും നാളുകളില്‍ അച്ഛന്‍ രാമ പണിക്കര്‍ക്കൊപ്പം തെയ്യം അരങ്ങുകളിലേക്ക് പിച്ചവെച്ചെത്തിയ ഭരതന്‍ പണിക്കര്‍ക്ക് സ്‌കൂള്‍ കലോത്സവവേദി സമ്മാനിച്ചത് മധുരിക്കുന്ന ഓര്‍മകളും അംഗീകാരങ്ങളുമായിരുന്നു. വെള്ളിക്കോത്ത് ഗവ. ഹൈസ്‌കൂളില്‍ പഠിക്കുന്ന കാലത്ത് സംസ്ഥാന കലോത്സവത്തില്‍ ആദ്യമായി സംഘഗാനത്തില്‍ രണ്ടാംസ്ഥാനം നേടിയ സംഘത്തിലെ തബലിസ്റ്റായിരുന്നു ഭരതന്‍ പണിക്കര്‍.

Also Read: ശബരിമല തീർത്ഥാടനത്തിനൊരുങ്ങി പത്തനംതിട്ട; ജില്ലയിൽ നടപ്പിലാക്കുന്നത് 59 കോടി രൂപയുടെ വികസന പ്രവർത്തനങ്ങൾ

ജില്ലാ കലോത്സവങ്ങളില്‍ തബലയ്ക്കുപുറമെ ചെണ്ടയിലും ട്രിപ്പള്‍ഡ്രമ്മിലും ഭരതന്‍ വിജയം നേടിയിട്ടുണ്ട്. നന്നേ ചെറുപ്പം മുതല്‍തന്നെ പിതാവിന്‍റെ പിന്‍ഗാമിയായി അറിയപ്പെട്ടുന്ന കലാകാരനായിമാറിയിരുന്നു. കോട്ടച്ചേരി കുന്നുമ്മല്‍ വിഷ്ണുമൂര്‍ത്തി ക്ഷേത്രത്തില്‍ വച്ചാണ് പണിക്കര്‍ പദവി ലഭിച്ചത്. പൊയിനാച്ചി കരിച്ചേരിയിലാണ് ഇപ്പോള്‍ താമസിച്ചിരുന്നത്. മാതാവ്: മാണിയമ്മ. ഭാര്യ: പുലോജ കരിച്ചേരി. മക്കള്‍: ശിവപ്രിയ, കാര്‍ത്തികേയന്‍ (കണ്ണന്‍). ഇന്നലെ മരണപ്പെട്ട കൊറക്കോട് സ്വദേശിനിയുടെ ഗ്രാമത്തിലെ ബിലാല്‍ പള്ളിക്ക് സമീപത്തെ ഹമീദ് കോയ തങ്ങളും(85) ഇന്ന് മരണപ്പെട്ടു.

ഒരാഴ്ച മുമ്പാണ് അസ്വസ്ഥതയെ തുടര്‍ന്ന് ആശുപത്രിയില്‍ പ്രവേശിപ്പിച്ചത്. മൃതദേഹം ഉച്ചയോടെ കീഴൂര്‍ ജുമാമസ്ജിദ് പള്ളി ഖബര്‍ സ്ഥാനില്‍ സംസ്‌കരിച്ചു. വോര്‍ക്കാടി പുരുഷം കോടി സ്വദേശി അഹമ്മദ് കുഞ്ഞി(68)യും ഇന്ന് വൈകീട്ട് മരണപ്പെട്ടു. പരിയാരം കണ്ണൂര്‍ മെഡിക്കല്‍ കോളജില്‍ ചികില്‍സയിലായിരുന്നു. കൊവിഡ് പ്രോട്ടോകള്‍ പ്രകാരം സംസ്‌കാരം നടക്കും. ഭാര്യ: ആസ്യുമ്മ. കാസര്‍കോട് കൊറക്കോട് സ്വദേശി അന്തച്ചയുടെ ഭാര്യ ആമിന(69), പടന്ന തെക്കേപ്പുറം സ്വദേശി ടി.കെ.പി ബഷീര്‍(62) എന്നിവരാണ് ഇന്നലെ മരിച്ചത്. ഇതോടെ ഈമാസം കൊവിഡ് ബാധിച്ച് മരണപ്പെട്ടത് 35 പേര്‍. ആകെ മരണം 75 ആയി.

കാസർകോട് ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ

കാസർകോട് ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ