കാസര്‍കോട് അഞ്ചു വയസുകാരന്‍ ഷോക്കേറ്റ് മരിച്ചു

കാസര്‍കോട്: വീട്ടില്‍ കളിക്കുന്നതിനിടെ അഞ്ചു വയസുകാരന്‍ ഷോക്കേറ്റ് മരിച്ചു. ഉപ്പള മണ്ണങ്കൈയിലെ ജമാല്‍ ഫമീദ ദമ്പതികളുടെ ഇരട്ടക്കുട്ടികളിലൊരാളായ ഫായിസ് ആണ് മരിച്ചത്.

Also Read: കാസര്‍കോട് കൊവിഡ് മുക്തമാകുന്നു, ഇനി ചികിത്സയിലുള്ളത് മൂന്നുപേര്‍ മാത്രം!!

ഇന്ന് വൈകിട്ട് ആറുമണിയോടെ മാതാവ് ഫമീദയുടെ എരിയാല്‍ കുളങ്കരയിലെ വീട്ടില്‍ വെച്ചാണ് സംഭവം. കുഴൽക്കിണറില്‍ നിന്നും വെള്ളമെടുക്കാന്‍ മോട്ടോര്‍ പ്രവര്‍ത്തിക്കവെ കുട്ടി വയറില്‍ പിടിച്ചതാണ് മരണ കാരണമെന്ന് പറയുന്നു. ഉടന്‍ ആശുപത്രിയിലെത്തിച്ചെങ്കിലും രക്ഷിക്കാനായില്ല.

Also Read: കോഴിക്കോട്ടെ ലോക്ക് ഡൗൺ നിയന്ത്രണങ്ങൾ; പുതിയ ഉത്തരവുമായി ജില്ലാ കളക്ടർ

മൃതദേഹം പോസ്റ്റ് മാര്‍ട്ടത്തിനായി മംഗല്‍പാടി ആശുപത്രിയിലേക്ക് മാറ്റി. ഉപ്പള തഹാനി സ്‌കൂളിലെ എല്‍കെജി വിദ്യാര്‍ഥിയാണ് ഫായിസ്. മുംബൈയില്‍ ഹോട്ടല്‍ വ്യാപാരിയാണ് പിതാവ് ജമാല്‍ വിവരമറിഞ്ഞ് നാട്ടിലേക്ക് വരാനുള്ള ശ്രമത്തിലാണ്. ഫൈനാന്‍ അലി, ഫിദ എന്നിവര്‍ സഹോദരങ്ങളാണ്.

Also Read: ഉമ്മന്‍ ചാണ്ടി ഇടപെട്ടു; മൈസൂരില്‍ ചികിത്സക്കായി പോയ ഭിന്നശേഷിക്കാരായ കുട്ടികളും കുടുംബാംഗങ്ങളും നാട്ടിലെത്തി