കാസർകോട് ഭാര്യയെ കൊലപ്പെടുത്തിയ സംഭവത്തിൽ ഭർത്താവിനെ റിമാൻഡ് ചെയ്തു. കാട്ടുകുക്കെ സ്വദേശി ജനാര്‍ദ്ദനൻ ആണ് ഭാര്യ സുശീലയെ കൊലപ്പെടുത്തിയത്. അന്യ പുരുഷനുമായി ബന്ധമുണ്ടെന്ന സംശയമാണ് കൊലയ്ക്ക് കാരണമായത്.
Lipi11 Sept 2020, 1:08 am
കാസര്‍കോട്: കാട്ടുകുക്കെ കജംപാടിയിലെ സുശീല (43) യെ കൊലപ്പെടുത്തിയ കേസില്‍ ഭര്‍ത്താവ് പെര്‍ള കെ കെ റോഡ് അജിലടുക്കയിലെ ജനാര്‍ദ്ദനനെ കോടതി റിമാൻഡ് ചെയ്തു. അന്യ പുരുഷനുമായി ബന്ധമുണ്ടെന്ന സംശയമാണ് കൊലയില്‍ കലാശിച്ചത്. ഇത് ആരോപിച്ച് സുശീലയെ ജനാര്‍ദ്ദനന്‍ നിരന്തരം മര്‍ദ്ദിച്ചിരുന്നുവെന്ന് പോലീസ് അന്വേഷണത്തില്‍ വ്യക്തമായി.
കഴുത്ത് ഞെരിച്ചാണ് കൊലപ്പെടുത്തിയതെന്ന് പോസ്റ്റുമോര്‍ട്ടം റിപ്പോര്‍ട്ടില്‍ വ്യക്തമായതോടെ ജനാര്‍ദ്ദനനെ അറസ്റ്റ് ചെയ്യുകയായിരുന്നു. സുശീലയെ കൊലപ്പെടുത്തിയ ശേഷം വീടിന്റെ മുന്‍ഭാഗത്തെ വാതില്‍ പൂട്ടി രക്ഷപ്പെടാന്‍ ശ്രമിച്ച ജനാര്‍ദ്ദനനെ നാട്ടുകാരുടെ സഹായത്തോടെയാണ് പോലീസ് പിടികൂടിയത്. കൊവിഡ് പരിശോധനയ്ക്ക് ശേഷമാണ് കാസര്‍കോട് കോടതിയില്‍ ഹാജരാക്കിയത്.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
