കൊവിഡ് ബാധിച്ച് ഡോക്ടർ മരിച്ചു; കാസർകോട്ട് ഇന്നലെ 4 മരണം

കാസര്‍കോട്: ഡോക്ടര്‍ കൊവിഡ് ബാധിച്ച് മരിച്ചു. കാസര്‍കോട് ജനറല്‍ ആശുപത്രിയിലെ റിട്ട. ശിശുരോഗ വിദഗ്ദ്ധന്‍ ഡോ. സതീഷ് (66) ആണ് സ്വകാര്യ ആശുപത്രിയില്‍ മരിച്ചത്. സംസ്ഥാനത്ത് കൊവിഡ് ബാധിച്ച് മരണപ്പെടുന്ന രണ്ടാമത്തെ ഡോക്ടറാണിത്. സര്‍ക്കാര്‍ സര്‍വീസില്‍ നിന്ന് വിരമിച്ച ശേഷം കാസര്‍കോട്ട് സ്വകാര്യ ക്ലിനിക്ക് നടത്തി വരികയായിരുന്നു. അഞ്ച് ദിവസമായി ചുമയും ശ്വാസതടസ്സവും ഉണ്ടായിരുന്നതിനാല്‍ വീട്ടില്‍ തന്നെ ചികിത്സയിലായിരുന്നു. ചൊവ്വാഴ്ച രാവിലെ നില ഗുരുതരമായതിനാല്‍ സ്വകാര്യ ആശുപത്രിയില്‍ എത്തിച്ച പ്പോഴേക്കും മരണം സംഭവിച്ചു.

Also Read: ഡ്രൈ ഡേയില്‍ മദ്യവില്‍പന, കുടിയന്മാര്‍ തടിച്ചുകൂടി... ബിജെപി നേതാവിന്‍റെ ബാര്‍ ലൈസന്‍സ് സസ്പെന്‍റ് ചെയ്തു, സംഭവം കാഞ്ഞങ്ങാട്

തുടര്‍ന്ന് നടത്തിയ ട്രൂനാറ്റ് പരിശോധനയിലാണ് കൊവിഡ് സ്ഥിരീകരിച്ചത്. ഡോ. സതീഷിന്റെ മരണത്തില്‍ കാസര്‍കോട് ഐഎംഎ പ്രസിഡന്‍റ് ഡോ. ബി നാരായണ നായ്ക്ക്, സെക്രട്ടറി ഡോ. രാകേഷ് എന്നിവരും ഐ.എ.പി പ്രസിഡന്‍റ് ജിതേന്ദ്രറായ്, സെക്രട്ടറി ഗോപാലകൃഷ്ണ എന്നിവരും അനുശോചിച്ചു. മൃതദേഹം കൊവിഡ് പ്രോട്ടോകോള്‍ പ്രകാരം ബുധനാഴ്ച സംസ്‌കരിക്കും. ചൊവ്വാഴ്ച മരണപ്പെട്ട നാലുപേര്‍ക്കാണ് കൊവിഡ് സ്ഥിരീകരിച്ചത്. മൊഗ്രാല്‍ പുത്തൂര്‍ കുന്നിലെ പി.ജി.എം ഫാത്തിമ(72), കാഞ്ഞങ്ങാട് നോര്‍ത്ത് കോട്ടച്ചേരിയിലെ അബ്ദുല്‍ ഖാദര്‍ അഹമ്മദ്(60), തൂങ്ങിമരിച്ച തൃക്കണ്ണാട് സ്വദേശി വിഗ്നേഷ് പ്രസാദ്(12) എന്നിവര്‍ക്കാണ് കൊവിഡ് സ്ഥിരീകരിച്ചു. ഡോ.നയനയാണ് മരണപ്പെട്ട ഡോ.സതീഷിന്റെ ഭാര്യ. മക്കള്‍: സിദ്ധാര്‍ത്ഥ് (എഞ്ചിനീയര്‍ യു എസ് എ), സുസ്മിത (എഞ്ചിനീയര്‍). മരുമകള്‍: കാവ്യ.

കാസർകോട് ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ

കാസർകോട് ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ