കാസര്കോട്: തമിഴ്നാട്ടില് നിന്നെത്തി ക്വാറന്റൈനില് കഴിയുകയായിരുന്ന ആയുര്വ്വേദ വൈദ്യന് മരിച്ചു. തളങ്കര ഗസാലി നഗറിലെ രാമചന്ദ്രന് (76) വൈദ്യര് ആണ് മരിച്ചത്. ഇന്നലെ വൈകിട്ടോടെയാണ് മരണം സംഭവിച്ചത്. രാമചന്ദ്രൻ ചികിത്സക്കായി ചെന്നൈയില് പോയി കഴിഞ്ഞ ആഴ്ചയാണ് കാസർകോട് മടങ്ങിയെത്തിയത്.
തമിഴ്നാട്ടില് നിന്നും എത്തിയ രാമചന്ദ്രനെ ആരോഗ്യ വകുപ്പ് അധികൃതരുടെ നിര്ദേശത്തെ തുടര്ന്ന് ആശുപത്രി ക്വാറന്റൈനില് പ്രവേശിപ്പിച്ചിരിക്കുകയായിരുന്നു. ഇന്നലെ ഉച്ചയോടെ അസ്വസ്ഥത പ്രകടിപ്പിച്ചതിനെ തുടര്ന്ന് സ്വകാര്യ ആശുപത്രിയില് പ്രവേശിപ്പിച്ചിരുന്നു. എന്നാല് ജീവൻ രക്ഷിക്കാൻ കഴിഞ്ഞില്ല.
Also Read: സ്രവ പരിശോധന ഫലങ്ങളുമായി ബന്ധപെട്ട് സോഷ്യല് മീഡിയയില് വ്യാജപ്രചരണം, നിയമ നടപടികള് സ്വീകരിക്കുമെന്ന് കാസര്കോട് ഡിഎംഒ
മൃതദേഹം കാസര്കോട് ജനറലാശുപത്രിയിലെ മോര്ച്ചറിയിലേക്ക് മാറ്റി. രാമചന്ദ്രന്റെ സ്രവം പരിശോധനക്കയച്ചു. ഫലം എത്തിയ ശേഷം മൃതദേഹം ബന്ധുക്കള്ക്ക് വിട്ടു നല്കുമെന്ന് അധികൃതര് അറിയിച്ചു. പരിശോധനാഫലം വന്ന ശേഷമേ സംസ്കാരം എങ്ങനെ നടത്തണമെന്ന് തീരുമാനിക്കൂ. പരേതനായ ശങ്കരന്, രാമചന്ദ്രന്റെ മകനാണ്. ഭാര്യ: സ്നേഹശീല. രാമകുമാരന്, രമണി, രുഗ്മിണി, ശാന്തകുമാരി എന്നിവര് സഹോദരങ്ങളാണ്.