വ്യപാരിയുടെ മരണത്തിൽ മന്ത്രവാദിനിക്ക് പങ്ക്? മൃതദേഹം പുറത്തെടുത്തു, ദുരൂഹത നീക്കണമെന്ന് മഹല്ല് കമ്മിറ്റി

കാസർകോട്: പൂച്ചക്കാട് സ്വദേശിയും ഗൾഫിലെ വ്യാപാരിയുമായ അബ്ദുൽ ഗഫൂറിന്റെ മരണത്തിലെ സത്യാവസ്ഥ പുറത്തു കൊണ്ടുവരണ മെന്നാവശ്യപ്പെട്ട് മഹല്ല് കമ്മിറ്റിയും രംഗത്ത്. മരണത്തിലെ ദുരൂഹതയെ തുടർന്നു പൂച്ചക്കാട് ഹൈദ്രോസ് ജുമാ മസ്ജിദ് മഹല്ല് കമ്മിറ്റി ഭാരവാഹികൾ ആക്ഷൻ കമ്മിറ്റി രൂപീകരിക്കാൻ ഒരുങ്ങുകയാണ്. മരണത്തിൽ പങ്കുണ്ടെന്ന് കരുതുന്ന മന്ത്രവാദിനിയെ കുറിച്ച് സമഗ്രമായ അന്വേഷണം നടത്തണമെന്നാണ് മഹല്ല് കമ്മിറ്റി ഭാരവാഹികൾ ആവശ്യപ്പെട്ടു. ഇലക്ട്രിക്കൽ ജോലിക്കിടെ യുവാവ് ഷോക്കേറ്റ് മരിച്ചു
മരണത്തിൽ ദുരൂഹതയുണ്ടെന്ന പരാതിയെ തുടർന്ന് പ്രവാസി വ്യവസായിയുടെ മൃതദേഹം വ്യാഴാഴ്ച കബറിൽ നിന്ന്‌ പുറത്തെടുത്ത് പോസ്റ്റ്‌ മോർട്ടം ചെയ്തു. കണ്ണൂർ ഗവ. മെഡിക്കൽ കോളേജിൽ നിന്നുള്ള പോലീസ് സർജൻ ഡോ. എസ് ആർ സരിതയുടെ നേതൃത്വത്തിലാണ് പോസ്റ്റ്‌ മോർട്ടം നടന്നത്. കാഞ്ഞങ്ങാട് ആർഡിഒ കൂടിയായ സബ് കളക്ടർ സൂഫിയാൻ അലി അഹമ്മദ്, ഹൊസ്ദുർഗ് തഹസിൽദാർ എൻ. മണിരാജ് എന്നിവരുടെ നേതൃത്വത്തിലാണ് ഇൻക്വസ്റ്റ് നടത്തിയത്.


രണ്ടു മണിക്കൂർ നീണ്ട പരിശോധനയ്ക്കു ശേഷം അതേ കബറിടത്തിൽ മൃതദേഹം മറവ് ചെയ്തു. ശരീരത്തിൽ നിന്നെടുത്ത ഒന്നിലേറെ സാമ്പിളുകൾ കണ്ണൂർ ഫൊറൻസിക് ലാബിൽ രാസപരിശോധനയ്ക്കയച്ചു. ഇതിന്റെ ഫലം വന്നാലേ മരണകാരണം അറിയാനാകൂവെന്ന് ബേക്കൽ ഡിവൈഎസ്പി സി കെ സുനിൽകുമാർ പറഞ്ഞു.

കണ്ണീര്‍പൂക്കളായി അജീറും റാഫിയമോളും; ദുരന്തം തട്ടിയെടുത്തത് അവിചാരിതമായി, യാത്രാമൊഴിയേകി നാടും നാട്ടുകാരും
ഏപ്രിൽ 14ന് പുലർച്ചെയാണ് വീട്ടിൽ ഗഫൂർ ഹാജിയെ മരിച്ച നിലയിൽ കണ്ടെത്തിയത്. സ്വാഭാവിക മരണമെന്ന നിലയിൽ ബന്ധുക്കൾ മൃതദേഹം കബറടക്കിയെങ്കിലും പിന്നീട് ചില സംശയം തോന്നി ബേക്കൽ പോലീസിൽ പരാതി നൽകുകയായിരുന്നു. മരിക്കുന്നതിന് രണ്ടു ദിവസം മുൻപുവരെ ഇദ്ദേഹം പലരിൽ നിന്നായി സ്വർണാഭരണങ്ങൾ വാങ്ങിയതായി പറയപ്പെടുന്നു. സ്വർണം കടമായി വാങ്ങിയെന്ന് ചില ബന്ധുക്കളും സുഹൃത്തുക്കളും പറഞ്ഞപ്പോഴാണ് വീട്ടുകാർ ഇക്കാര്യം അറിയുന്നത്. ഷാർജയിൽ ഒന്നിലേറെ സൂപ്പർമാർക്കറ്റുകളുടെ ഉടമയാണ് ഗഫൂർ ഹാജി.

Read Latest Local News and Malayalam News