റാസല്‍ഖൈമയില്‍ കാസര്‍കോട് സ്വദേശി വാഹനാപകടത്തില്‍ മരിച്ചു, അപകടം റോഡ് മുറിച്ച് കടക്കുന്നതിനിടെ!

കാസര്‍കോട്: കാസര്‍കോട് സ്വദേശി ദുബൈ റാസല്‍ഖൈമയില്‍ വാഹന അപകടത്തില്‍ മരിച്ചു. കാഞ്ഞങ്ങാട് കൊളവയല്‍ കൊത്തിങ്കാലിലെ ഇബ്രാഹിന്റെയും സാജിദയുടെയും മകന്‍ മുഹമ്മദ് റാബിര്‍ (22) നാണ് മരിച്ചത്. റാസല്‍ഖൈമയിലെ ഷംസ് സൂപ്പര്‍ മാര്‍ക്കറ്റ് ജീവനക്കാരനായിരുന്നു.
വെള്ളിയാഴ്ച രാത്രി 11 മണിക്ക് സൂപ്പര്‍ മാര്‍ക്കറ്റിന് സമീപത്തെ ഹോട്ടലില്‍ നിന്ന് സുഹൃത്തിനുമൊപ്പം ഭക്ഷണം കഴിച്ച് റോഡ് മുറിച്ച് കടക്കവേയാണ് അപകടം.

Also Read: പ്ലാസ്മ തെറാപ്പിയിലൂടെ കൊവിഡ് മുക്തി; പൂര്‍ണ്ണ ആരോഗ്യവാനായി അജിത്ത് വീട്ടിലേക്ക്, മനസ്സ് നിറഞ്ഞ് ഹമീദും ലത്തീഫും

അമിത വേഗതയില്‍ വന്ന വാഹനം യുവാവിനെ ഇടിപ്പിച്ച് തെറിപ്പിക്കുകയായിരുന്നു. പരിക്കേറ്റ് ആശുപത്രിയില്‍ പ്രവേശിപ്പിച്ചെങ്കിലും ശനിയാഴ്ച പുലര്‍ച്ചെ മരിച്ചു. അവധി കഴിഞ്ഞ് ജനുവരിയിലാണ് മുഹമ്മദ് റാബിര്‍ ജോലിക്കായി വിദേശത്തേക്ക് പോയത്. സഹോദരങ്ങള്‍: ജബ്ബാര്‍ (അബുദാബി), മുബഷിറ, റബീന. മൃതദേഹം നാട്ടിലേക്ക് കൊണ്ട് വരാനുള്ള ശ്രമങ്ങള്‍ നടന്നുവരുന്നു.