ദമ്പതികള്ക്ക് മല്സരിക്കരുതെന്ന തീരുമാനം അംഗീകരിച്ചില്ല
ഭാര്യയും ഭര്ത്താവും പഞ്ചായത്ത് തിരഞ്ഞെടുപ്പില് ഒരുമിച്ച് മത്സരിക്കരുതെന്നാണ് പാര്ട്ടിയുടെ തീരുമാനം. എങ്കിലും എന്മകജെയിലെ പ്രാദേശിക നേതൃത്വം ജനപ്രതീയുള്ള ഇവര്ക്കുവേണ്ടി ഉറച്ചുനില്ക്കുകയായിരുന്നു. വീട്ടുകാരുടെയും ബന്ധുക്കളുടെയും പത്താംക്ലാസുകാരിയായ മകള് സാന്നിധ്യയുടെയും നിര്ബന്ധത്തിന് വഴങ്ങിയാണ് ഇരുവരും ഇത്തവണ ഗോധയിലിറങ്ങിയത്. അത് കൊണ്ട് തന്നെ വിജയത്തില് പഞ്ചായത്തില് ആര്ക്കും ആശങ്കയില്ല. 20 വര്ഷത്തെ പെതുപ്രവര്ത്തനത്തിനിടയില് 10 വര്ഷം വികസന സ്റ്റാന്ഡിങ് കമ്മിറ്റി ചെയര്മാനായി പ്രവര്ത്തിച്ചിരുന്നു. കഴിഞ്ഞ അഞ്ചുവര്ഷം ജയശ്രീയായിരുന്നു ഈ ചുമതലയില്. അവിശ്വാസപ്രമേയത്തിലൂടെ പഞ്ചായത്തിലെ പ്രസിഡന്റ് സ്ഥാനമൊഴിഞ്ഞതോടെ മൂന്നുമാസം പ്രസിഡന്റ് കുപ്പായവും ജയശ്രീ അണിഞ്ഞിട്ടുണ്ട്.
ലോക്ഡൗണില് ദമ്പതിമാരുടെ സേവനം എടുത്തുപറയേണ്ടത്
കൊവിഡ് വ്യാപനത്തെ തുടര്ന്ന് ലോക് ഡൗണ് പ്രഖ്യാപിച്ചപ്പോള് ഈ വാര്ഡുകളിലെ ജനങ്ങള് പുറത്തിറങ്ങാന് പോലും വഴിയില്ലാതെ ഏറെ ബുദ്ധിമുട്ടിയിരുന്നു. സാറഡുക്ക ചെക്ക് പോസ്റ്റ് കര്ണാടക അധികൃതര് അടച്ചതോടെ പെര്ല ടൗണിലെത്താന് എറെ പ്രയാസപ്പെട്ടപ്പോള് ഈ ദമ്പതിമാരുടെ സേവനം ജനങ്ങള്ക്ക് മറക്കാനാവില്ല. മഞ്ചേശ്വരം എംഎല്എയുടെയും എംപിയുടെയും സഹായത്തോടെ റേഷന് കട വാര്ഡില് തന്നെ ഒരുക്കി ജനങ്ങള്ക്ക് ഭക്ഷ്യ സാധനങ്ങള് വാങ്ങാന് സംവിധാനമൊരുക്കിയിരുന്നു. കര്ണാടകയോട് അതിരിട്ട് പകുതി മലയാളവും പകുതി കന്നഡയുമായുമായി ജീവിക്കുന്ന ജനങ്ങളാണിവിടെ. മലയാളം, കന്നട, തുളു, കൊങ്കിണി, മറാഠി, ബ്യാരി ഭാഷകള് സംസാരിക്കുന്നവരാണ് വാര്ഡില് കൂടുതലുള്ളത്. വോട്ടര്മാര്ക്ക് വേണ്ടി നിരവധി വികസനപ്രവര്ത്തനങ്ങള് നടത്താനായതിന്റെ ആത്മവിശ്വാസത്തിലാണ് ഈ ജനപ്രിയ ദമ്പതിമാര് വീണ്ടും മത്സരിത്തിനിറങ്ങുന്നത്.
ഷാനവാസ് പാദൂറിന്റെ രാജി
അതേസമയം യുവ കോണ്ഗ്രസ് നേതാവ് ഷാനവാസ് പാദൂര് പാര്ടി വിട്ടെന്നും വാര്ത്തകള് വന്നിരുന്നു. കാസര്കോട് പ്രസ് ക്ലബ്ബില് നടത്തിയ വാര്ത്താ സമ്മേളനത്തിലാണ് ഷാനവാസ് ഇക്കാര്യം അറിയിച്ചത്. ഇതേ തുടര്ന്ന് ജില്ലാ പഞ്ചായത്തിലെ നിലവിലെ വിദ്യാഭ്യാസ സ്റ്റാന്ഡിംഗ് കമ്മറ്റി ചെയര്മാനായ ഷാനവാസ് കോണ്ഗ്രസില് നിന്നും രാജിവെച്ചതായി അറിയിച്ചു. ചെങ്കള ജില്ലാ പഞ്ചായത്ത് ഡിവിഷനില് നിന്നും എല്ഡിഎഫ് പിന്തുണയോടെ മത്സരിക്കുമെന്ന് അദ്ദേഹം വ്യക്തമാക്കി. നാമനിര്ദേശപത്രിക സമര്പ്പണത്തിന് ഒരു ദിവസം മാത്രം ശേഷിക്കെയായിരുന്നു ഷാനവാസ് എല്ഡിഎഫിനായി മത്സരിക്കുമെന്ന വാര്ത്ത പുറത്ത് വന്നത്. കോണ്ഗ്രസിന്റെ ന്യൂനപക്ഷ വിരുദ്ധ സമീപനത്തിലും, പ്രവര്ത്തന പാരമ്പര്യവും, അര്ഹതയും ഉള്ളവര്ക്കെതിരെയുള്ള അവഗണനയിലും പ്രതിഷേധിച്ചാണ് രാജിവെക്കുന്നതെന്നാണ് ഷാനവാസ് പറഞ്ഞിരുന്നത്.