മയിൽക്കൂട്ടമിടിച്ച് തീവണ്ടി എഞ്ചിന്‍റെ മുൻവശത്തെ ചില്ല് തകർന്നു; യാത്രവൈകി

കാസർകോട്: മയിൽക്കൂട്ടമിടിച്ച് തീവണ്ടി എഞ്ചിന്‍റെ മുൻവശത്തെ ചില്ല് തകർന്നു. ഞായറാഴ്ച രാവിലെ കാസർകോട്‌ ചൗക്കി സി പി സി ആർ ഐക്ക് സമീപത്താണ് സംഭവം. മംഗളൂരുവിൽ നിന്ന് വരികയായിരുന്ന കോയമ്പത്തൂർ ഫാസ്റ്റ് പാസഞ്ചറിന്‍റെ ചില്ലാണ് തകർന്നത്. തീവണ്ടി എഞ്ചിന്‍റെ മുൻവശത്താണ് മയിൽക്കൂട്ടം വന്നിടിച്ചത്. ഇടിയുടെ ആഘാതത്തിൽ മുൻവശത്തെ രണ്ട് ചില്ലുകളിൽ ഒന്ന് പൂർണമായി തകരുകയായിരുന്നെന്ന് മാതൃഭൂമി ന്യൂസാണ് റിപ്പോർട്ട് ചെയ്ത്. ചില്ല് തറച്ച് ലോക്കോ പൈലറ്റ് ടി വി ഷാജിയുടെ കൈക്ക് പരിക്കേൽക്കുകയും ചെയ്തു.

Also Read : മഹാരാഷ്ട്ര വിമത നീക്കം ഇന്ന് സുപ്രീം കോടതിയിൽ; ഷിൻഡെയുടെ ഹർജി പരിഗണിക്കും

അപകടത്തെ തുടർന്ന് 45 മിനുട്ടോളം യാത്ര വൈകി. രണ്ട് എഞ്ചിനുകളുള്ള വണ്ടിയായിരുന്നതിനാൽ ചില്ല്‌ തകർന്ന എഞ്ചിൻ കാസർകോട് റെയിൽവേ സ്റ്റേഷനിൽ മാറ്റിയിട്ടശേഷം ഒറ്റ എഞ്ചിനുമായി യാത്രതുടരുകയായിരുന്നു.

Also Read : കോഴിക്കോട് കോർപ്പറേഷൻ കെട്ടിട നമ്പർ ക്രമക്കേട്; ഏഴ് പേർ അറസ്റ്റിൽ

ലോക്കോ പൈലറ്റ് ഷാജിക്ക് കാസർകോട് റെയിൽവേ സ്റ്റേഷനിൽ പ്രാഥമിക ശുശ്രൂഷ നൽകി. ഇദ്ദേഹം തന്നെയാണ് കോയമ്പത്തൂരിലേക്ക് തീവണ്ടി ഓടിച്ചത്.