കാസർകോട് : അരുണാചല് പ്രദേശിലുണ്ടായ സൈനിക ഹെലികോപ്റ്റര് അപകടത്തില് കാസർകോട് സ്വദേശിയും മരണപ്പെട്ടതായി വീട്ടുകാർക്ക് വിവരം ലഭിച്ചു. ചെറുവത്തൂര് കിഴേക്കമുറിയിലെ കാട്ടുവളപ്പില് അശോകന്റെ മകന് കെ.വി അശ്വിന് (24) ആണ് മരണപ്പെട്ടത്. ഓണ അവധിക്ക് ശേഷം ഒരു മാസം മുമ്പാണ് അശ്വിൻ തിരിച്ചു ജോലിക്ക് പോയത്. വെള്ളിയാഴ്ച രാവിലെയാണ് സൈനീക വിമാനം തകർന്നു വീണത്.
മൂന്നു ഹെലികോപ്റ്ററുകളില് രക്ഷാപ്രവര്ത്തകള് സ്ഥലത്തേക്കു തിരിച്ചിരുന്നു. ഇന്ത്യന് സൈന്യത്തിന്റെ അഡ്വാന്സ്ഡ് ലൈറ്റ് ഹെലികോപ്റ്ററാണ് തകര്ന്നുവീണതെന്ന് അധികൃതര് വ്യക്തമാക്കി. കഴിഞ്ഞ ഓണാവധിക്ക് ശേഷമാണ് അശ്വിൻ ജോലിസ്ഥലത്തേക്ക് തിരിച്ചുപോയത്. എ കെ കൗസല്യയാണ് മാതാവ്. അശ്വതി, അനശ്വര എന്നിവർ സഹോദരങ്ങളാണ്.