Kozhikode; ചെറുവത്തൂർകാർക്കറിയില്ല ആ ഷഹനയെ, പണിതീരാത്ത ആ കൊച്ചു വീട്ടിലും ഒരു മോഡൽ‌, നടുക്കവും നൊമ്പരവും മാറാതെ നാട്ടുകാർ, ആ ജനലഴിയിൽ എങ്ങിനെ തൂങ്ങിയെന്നത് അവിശ്വസനീയം!!

അവിടെ എത്തിയപ്പോൾ പണി പൂർത്തിയാകാത്ത അടച്ചിട്ട വീടാണ് കാണാൻ സാധിച്ചത്. രണ്ടുമാസം മുന്‍പാണ് ചീമേനി വലിയപൊയില്‍ ഉച്ചിത്തിടിലില്‍ സ്വന്തമായി ഭൂമിവാങ്ങി കൊച്ചുവീട് വെച്ചത്. വീട് പണി ഭാഗീകമായി മാത്രമേ പൂർത്തിയായിട്ടുള്ളൂ. ഇവിടെയാണ് ഷഹനയുടെ ഉമ്മ ഉമൈബയും മക്കള്‍ ബിലാലും നദീനും താമസിക്കുന്നത്. മകള്‍ ഷഹനയും (20) സജ്ജാദുമായുള്ള വിവാഹം കഴിഞ്ഞിട്ട് ഒന്നരവര്‍ഷം കഴിഞ്ഞു.

നടിയും മോഡലുമൊക്കെയായി ജീവിതം കരയ്ക്കടുപ്പിച്ച് വരവെയാണ് കോഴിക്കോട് ഭർത്താവിനൊപ്പം ജീവിക്കുന്ന ഷഹന തൂങ്ങി മരിച്ചത്. ആത്മഹത്യ അല്ല കൊലപാതകമാണെന്നാണ് ഷഹനയുടെ ബന്ധുക്കൾ ആരോപിക്കുന്നത്. ഷഹന ആത്മഹത്യ ചെയ്യില്ലെന്നും മരണത്തില്‍ ദുരൂഹതയുണ്ടെന്നുമാണ് ഉമ്മയും സഹോദരങ്ങളും പോലീസിനോട് പറഞ്ഞത്. ജീവിതത്തില്‍ പ്രയാസങ്ങള്‍ ഒരുപാട് അനുഭവിക്കേണ്ടിവന്ന ഉമൈബയും കുടുംബവും വിവിധയിടങ്ങളില്‍ വാടകവീട്ടിലായിരുന്നു താമസം.

സ്വന്തം വീട്ടിലേക്ക് മകളുടെ വരവ് കാത്തിരിക്കവെയാണ് മകളുടെ മരണ വാർത്ത ആ ഉമ്മ കേട്ടത്. മരണ വിവരം അറഞ്ഞ് അയൽ വാസികൾ എത്തുമ്പോൾ ഭർത്താവ് സജാദിന്റെ മടിയിലായിരുന്നു ഷഹനയെ കിടത്തിയിരുന്നത്. മരണ വീട്ടിലെ അന്വേഷത്തിൽ മയക്കുമരുന്ന് പോലീസ് കണ്ടെത്തിയിട്ടുമുണ്ട്. തൂങ്ങി മരിച്ചെന്ന് പറയുന്ന ജനലും പ്ലാസ്റ്റിക്ക് കയറും അവിശ്വസനീയവുമാണ്. പോലീസും നടന്നത് കൊലപാതകമാണോ എന്ന സംശയത്തിലാണ്.

ഷഹനയും ഭർത്താവും തമ്മിൽ പലപ്പോഴും വഴക്ക് ഉണ്ടാവാറുണ്ടെന്ന് പോലീസ് പറയുന്നു. സജാദിന് ലഹരിക്കച്ചവടമെന്ന് പോലീസ് പറയുന്നു. ഭക്ഷണ വിതരണത്തിന്റെ മറവിലായിരുന്നു ലഹരി ഇടപാട്. ലഹരി ഉപയോഗിക്കുന്നതിനുള്ള ഉപകരണങ്ങൾ ഇവരുടെ വീട്ടിൽ നിന്നും കണ്ടെത്തിയിട്ടുണ്ട്. വെള്ളിയാഴ്ചയാണ് ഷഹാനയെ മരിച്ച നിലയിൽ കണ്ടത്. അയൽവാസികൾ എത്തിയപ്പോൾ സജാദിന്റെ മടിയിൽ കിടക്കുന്ന നിലയിലായിരുന്നു ഷഹാന. അയൽവാസികൾ പോലീസിനെ വിവരം അറിയിക്കുകയായിരുന്നു.