നേരിയ ആശ്വാസം; കാസര്‍കോട് ഇന്ന് കൊവിഡ് കേസുകള്‍ ഇല്ല; 3794 പേര്‍ നിരീക്ഷണത്തില്‍
കാസർകോട് ജില്ലയിൽ ഇന്ന് ആർക്ക് കൊറോണ വൈറസ് രോഗബാധ സ്ഥിരീകരിച്ചിട്ടില്ല. ജില്ലയിലെ ഐസൊലേഷന്‍ വാര്‍ഡുകളില്‍ 44 പേരാണ് വൈറസ് ബാധയെ തുടര്‍ന്ന് ചികിത്സയിലുള്ളത്.
Samayam Malayalam25 Mar 2020, 8:06 pm
കാസര്‍കോട്: ഏറെ ആശ്വാസം പകരുന്ന വാര്‍ത്തയാണ് ഇന്ന് കാസര്‍കോടിനെ സംബന്ധിച്ചുണ്ടായത്. സംസ്ഥാനത്ത് ഇന്ന് സ്ഥിരീകരിച്ച 9 കൊവിഡ് 19 പോസിറ്റീവ് കേസുകളില്‍ കാസര്‍കോട് ജില്ലയിലുള്ളവര്‍ ആരുമില്ല. 44 പേരാണ് ഇപ്പോള്‍ വൈറസ് ബാധയെ തുടര്‍ന്ന് ജില്ലയിലെ വിവിധ ഐസൊലേഷന്‍ വാര്‍ഡുകളില്‍ കഴിയുന്നത്.
നിലവില്‍ കാസർകോട് 3794 പേര്‍ നിരീക്ഷണത്തിലുണ്ട്. ഇതില്‍ 94 പേര്‍ ആശുപത്രികളിലും, 3700 പേര്‍ വീടുകളിലും നിരീക്ഷണത്തിലാണ്. 49 പേരുടെ സാംപിളുകളാണ് ഇന്ന് പുതുതായി പരിശോധനയ്ക്ക് അയച്ചത്. ഒൻപതു പേരെ കൂടി ഐസൊലേഷന്‍ വാര്‍ഡുകളില്‍ പ്രവേശിപ്പിച്ചു. ഇനി 251 സാംപിളുകളുടെ ഫലമാണ് അറിയാനുള്ളത്.
കാസര്‍കോട് ജനറല്‍ ആശുപത്രി കൊവിഡ് 19 ആശുപത്രിയാക്കി മാറ്റുന്നതിന്റെ ഭാഗമായി ആശുപത്രിയിലെ പ്രസവസംബന്ധമായ ചികിത്സയും, ശിശു രോഗവിഭാഗ സേവനവും, നിലവിലെ ജനറല്‍ ആശുപ്രത്രി ഡോക്ടര്‍മാരുടെയും നേഴ്‌സ് മാരുടെയും സേവനവും കാസര്‍കോട് സഹകരണ ആശുപത്രിയിലേക്ക് മാറ്റി. ആശുപത്രിയില്‍ 212 ബെഡുകളും ഒരു ഹൈ എന്‍ഡ് മോഡ് വെന്‍ഡിലേറ്ററും ഒരു പോര്‍ട്ടബിള്‍ എക്‌സ് റേയും സജ്ജീകരിക്കും. ഈ സജീകരണങ്ങള്‍ക്ക് സാമ്പത്തിക സഹായമായി സുരേഷ് ഗോപി എംപി 25 ലക്ഷം രൂപ നല്‍കും. കൊറോണ പ്രവര്‍ത്തനങ്ങള്‍ക്കായി രാജ്‌മോഹന്‍ ഉണ്ണിത്താന്‍ എംപി 5,4,25,000 രൂപ നല്‍കി.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
