കാസര്‍കോട് ഒരു കൊവിഡ് മരണം കൂടി; കോഴിക്കോട് ചികിത്സയിലായിരുന്ന ബേക്കല്‍ കുന്ന് സ്വദേശിയാണ് മരണപ്പെട്ടത്

കാസര്‍കോട്: കൊവിഡ് ബാധിച്ച് ചികില്‍സയിലായിരുന്ന ഒരാള്‍ കൂടി മരണപ്പെട്ടു. ബേക്കല്‍ കുന്ന് സ്വദേശി മര്‍ഹാ മഹലിലെ മുനവര്‍ റഹ്മാന്‍(22) ആണ് ഇന്ന് മരണപ്പെട്ടത്. കോഴിക്കോട് മെഡിക്കല്‍ കോളജില്‍ ചികില്‍സയിലായിരുന്നു. ആഗസ്ത് 18 നാണ് യുവാവിന് കൊവിഡ് സ്ഥിരീകരിച്ചത്. രക്താര്‍ബുദത്തെ തുടര്‍ന്ന് ചികില്‍സയിലായിരുന്നു.

Also Read: തൃശൂരില്‍ വീണ്ടും കൊവിഡ് മരണം; വെള്ളിയാഴ്ച്ച മരിച്ചത് 2 പേര്‍, തുടര്‍ച്ചയായ അഞ്ചാം ദിവസവും മരണം

കൂടാതെ ന്യൂമോണിയയും ബാധിച്ചിരുന്നു. രണ്ടുദിവസമായി അസുഖം മൂര്‍ഛിച്ച അവസ്ഥയിലായിരുന്നു. ഇന്നുരാവിലെ മരണപ്പെട്ടു. ബേക്കലിലെ അബ്ദുല്‍ മുനീറിന്‍റെയും സാഹിറയുടേയും മകനായിരുന്നു. കൊവിഡ് പ്രോട്ടോകോള്‍ അനുസരിച്ച് ബേക്കല്‍ ഇല്യാസ് ജുമാമസ്ജിദ് ഖബര്‍സ്ഥാനില്‍ സംസ്‌കാരം നടക്കും. ഇതോടെ കൊവിഡ് ബാധിച്ച് മരിച്ചവരുടെ എണ്ണം 43 ആയി.

Also Read: നെയ്യാറ്റിന്‍കര വെടിവയ്പിൻ്റെ ജീവസുറ്റ ചിത്രീകരണം; വീരരാഘവം സ്മൃതിമണ്ഡപം നാടിന് സമര്‍പ്പിച്ചു

വ്യാഴാഴ്ച കൊവിഡ് ബാധിച്ച് പുത്തിഗെ മൂവാരിക്കണ്ടത്തെ ആനന്ദനും (50)മരണപ്പെട്ടിരുന്നു. കാസര്‍കോട്ടെ സ്വകാര്യ ആശുപത്രിയില്‍ അഞ്ചുദിവസം മുമ്പ് ഡയാലിസിസിനായി എത്തിയിരുന്നു. ആരോഗ്യ സ്ഥിതി മോശമായതിനാല്‍ മംഗളൂരുവിലേക്ക് മാറ്റുകയായിരുന്നു. അവിടെ വച്ചാണ് മരണപ്പെട്ടത്.

കാസർകോട് ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ

കാസർകോട് ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ