കാസർകോട് : പരിപാടിക്ക് മണിക്കൂറുകൾക്കു മുമ്പ് പിരിച്ചെടുത്ത എട്ട് ലക്ഷവുമായി സംഘാടകർ മുങ്ങി. എന്നാൽ വേദിയിലെത്തിയ കലാകാരന്മാർ കാണികളെ നിരാശരാക്കിയില്ല. പ്രതിഫലം ഇല്ലാതെ മൂന്നുമണിക്കൂറോളം അവർ പാടിത്തിമർത്തു. വെള്ളിയാഴ്ച രാത്രി ഇളമ്പച്ചി മിനി സ്റ്റേഡിയത്തിൽ സംഘടിപ്പിച്ച ‘മെഹ്‌ഫിൽ നിലാവ്’ എന്ന മെഗാ ഇവന്റിലായിരുന്നു നാടകീയ രംഗങ്ങൾ.
എന്നാൽ വൈകിട്ട് 7 മണിയായിട്ടും ആരും എത്തിയില്ല. അതേസമയം ഓഡിറ്റോറിയത്തിൽ സജ്ജമാക്കിയ 3000 ത്തോളം കസേരകളിൽ ആസ്വാദകർ നിറഞ്ഞിരുന്നു. ഏറെ വൈകിയിട്ടും പരിപാടി തുടങ്ങാത്തതിനാൽ കാണികൾ ബഹളംവച്ചു. ഇതോടെ വലിയ സ്ക്രീനിൽ മുങ്ങിയ സംഘാടകരുടെ ഇരുവരുടെയും ഫോട്ടോ പ്രദർശിപ്പിച്ചു സംഭവം സദസ്സിനെ വിശദീകരിച്ചു. തടിച്ചുകൂടിയ ആസ്വാദകരെ നിരാശരാക്കാതെ കാര്യം അവതരിപ്പിച്ചു ഗാനമേള ആരംഭിക്കുകയായിരുന്നു
കണ്ണൂർ ഇരിട്ടി സ്വദേശികളായ കെ നസീർ, പിബി സിറാജുദ്ദീൻ എന്നിവരുടെ നേതൃത്വത്തിൽ സ്വകാര്യ ഇവന്റ്‌ മാനേജുമെന്റാണ് തൃക്കരിപ്പൂരിൽ വേദിയൊരുക്കിയത്. നാട്ടുകാരായ ആരും സംഘാടകസമിതിയിൽ ഉണ്ടായിരുന്നില്ല. 500 രൂപയുടെയും 200 രൂപയുടെയും ടിക്കറ്റ് ഓൺലൈൻ വഴിയാണ് വില്പന നടത്തിയത്. അതുകൊണ്ട് തന്നെ സംഘാടകർ ആരെന്ന് ആർക്കും അറിയില്ലായിരുന്നു. കണ്ണൂർ തായിനേരി സ്വദേശികളായ സുബൈർ സുഹൈബ് എന്നിവർ മുഖാന്തിരം ആണ് ഗാനമേള സംഘത്തിന് സംഘാടകരിൽ നിന്ന് അഡ്വാൻസ് വാങ്ങിയത്.
കേരളത്തിന്റെ പലഭാഗത്തുനിന്നും പരിപാടികൾ ബുക്ക് ചെയ്യുന്നതിന് പരിചയമില്ലാത്ത ആളുകൾ ബന്ധപ്പെടാറുണ്ടെന്നും തിരിച്ചറിയൽ കാർഡ് നൽകിയതിനാൽ സംഘത്തെ കുറിച്ച് സംശയവും ഒന്നും തോന്നിയില്ലെന്നും ചന്തേര പോലീസിൽ പരാതി നൽകിയ കലാകാരന്മാരിൽ ഒരാളായ സുബൈർ പറഞ്ഞു. പോലീസ് നടത്തിയ അന്വേഷണത്തിൽ ഒരാൾ കസ്റ്റഡിയിൽ ആയിട്ടുണ്ടെന്ന സൂചനയുണ്ട്.
എന്നാൽ വൈകിട്ട് 7 മണിയായിട്ടും ആരും എത്തിയില്ല. അതേസമയം ഓഡിറ്റോറിയത്തിൽ സജ്ജമാക്കിയ 3000 ത്തോളം കസേരകളിൽ ആസ്വാദകർ നിറഞ്ഞിരുന്നു. ഏറെ വൈകിയിട്ടും പരിപാടി തുടങ്ങാത്തതിനാൽ കാണികൾ ബഹളംവച്ചു. ഇതോടെ വലിയ സ്ക്രീനിൽ മുങ്ങിയ സംഘാടകരുടെ ഇരുവരുടെയും ഫോട്ടോ പ്രദർശിപ്പിച്ചു സംഭവം സദസ്സിനെ വിശദീകരിച്ചു. തടിച്ചുകൂടിയ ആസ്വാദകരെ നിരാശരാക്കാതെ കാര്യം അവതരിപ്പിച്ചു ഗാനമേള ആരംഭിക്കുകയായിരുന്നു
കണ്ണൂർ ഇരിട്ടി സ്വദേശികളായ കെ നസീർ, പിബി സിറാജുദ്ദീൻ എന്നിവരുടെ നേതൃത്വത്തിൽ സ്വകാര്യ ഇവന്റ്‌ മാനേജുമെന്റാണ് തൃക്കരിപ്പൂരിൽ വേദിയൊരുക്കിയത്. നാട്ടുകാരായ ആരും സംഘാടകസമിതിയിൽ ഉണ്ടായിരുന്നില്ല. 500 രൂപയുടെയും 200 രൂപയുടെയും ടിക്കറ്റ് ഓൺലൈൻ വഴിയാണ് വില്പന നടത്തിയത്. അതുകൊണ്ട് തന്നെ സംഘാടകർ ആരെന്ന് ആർക്കും അറിയില്ലായിരുന്നു. കണ്ണൂർ തായിനേരി സ്വദേശികളായ സുബൈർ സുഹൈബ് എന്നിവർ മുഖാന്തിരം ആണ് ഗാനമേള സംഘത്തിന് സംഘാടകരിൽ നിന്ന് അഡ്വാൻസ് വാങ്ങിയത്.
കേരളത്തിന്റെ പലഭാഗത്തുനിന്നും പരിപാടികൾ ബുക്ക് ചെയ്യുന്നതിന് പരിചയമില്ലാത്ത ആളുകൾ ബന്ധപ്പെടാറുണ്ടെന്നും തിരിച്ചറിയൽ കാർഡ് നൽകിയതിനാൽ സംഘത്തെ കുറിച്ച് സംശയവും ഒന്നും തോന്നിയില്ലെന്നും ചന്തേര പോലീസിൽ പരാതി നൽകിയ കലാകാരന്മാരിൽ ഒരാളായ സുബൈർ പറഞ്ഞു. പോലീസ് നടത്തിയ അന്വേഷണത്തിൽ ഒരാൾ കസ്റ്റഡിയിൽ ആയിട്ടുണ്ടെന്ന സൂചനയുണ്ട്.