പ്രതി സിപിഎം നേതാവ്
പ്ലസ് ടു വിദ്യാര്‍ഥിനിയെ അപമാനിച്ച സിപിഎം നേതാവിനെ അറസ്റ്റു ചെയ്യാതെ പോലീസ് ഒത്തുകളിക്കുന്നുവെന്ന് വിവിധ രാഷ്ട്രീയ പാർട്ടികൾ ആരോപിക്കുന്നതിനിടെയാണ് പ്രതിയെ പിടികൂടിയത്. ഈ മാസം രണ്ടാം തീയതി സ്കൂളിൽ വെച്ചാണ് സംഭവം.
ഒത്തുകളിയെന്ന് ആരോപണം
ഓണാഘോഷത്തിനിടെ കൈയില്‍ കയറിപ്പിടിക്കുകയും ലൈംഗിക ഉദ്ദേശത്തോടെ ശരീര ഭാഗങ്ങളില്‍ സ്പര്‍ശിക്കുകയും ചെയ്തുവെന്ന പ്ലസ് ടു വിദ്യാര്‍ഥിനിയുടെ പരാതിയിലാണ് ചന്തേര പോലീസ് കേസെടുത്തത്. സ്കൂള്‍ പിടിഎ പ്രസിഡന്‍റും സിപിഎം ഏച്ചിക്കൊവ്വല്‍ ബ്രാഞ്ച് സെക്രട്ടറിയുമായിരുന്നു ബാലചന്ദ്രൻ. ദിവസങ്ങള്‍ കഴിഞ്ഞിട്ടും പ്രതിയെ അറസ്റ്റ് ചെയ്യാതെ ചന്തേര പോലീസ് ഒത്തുകളിക്കുകയാണെന്ന് ആരോപിച്ചു യൂത്ത് കോണ്‍ഗ്രസ് പോലീസ് സ്റ്റേഷനിലേക്ക് മാർച്ച് നടത്തിയിരുന്നു.
പാർട്ടി നടപടി
ബാലചന്ദ്രനെതിരെ പരാതി ഉയർന്ന സാഹചര്യത്തിൽ ബ്രാഞ്ച് സെക്രട്ടറി സ്ഥാനത്തുനിന്നും സിപിഎം നീക്കിയിരുന്നു. സ്കൂൾ പിടിഎ പ്രസിഡൻ്റ് സ്ഥാനത്ത് നിന്നും പുറത്താക്കിയിരുന്നു. ചന്തേര പോലീസ് സ്റ്റേഷനിലെ എഎസ്ഐ മധുസൂദനൻ, എസ്‍സിപിഒമാരായ രമേശൻ, സുരേഷൻ എൻ എം, സുരേഷ് ബാബു എന്നിവരും പ്രതിയെ പിടികൂടാൻ ഉണ്ടായിരുന്നു.
Read Latest Local News and Malayalam News