കാസര്‍കോട്ടെ കൊവിഡ് രോഗി മുംബൈയില്‍ നിന്ന് എത്തിയത് ചരക്ക് ലോറിയില്‍, പ്രതിരോധ സെല്ലില്‍ അറിയിച്ചില്ല, വീട്ടില്‍ കൊണ്ടുവിട്ട രാഷ്ട്രീയപാര്‍ട്ടി നേതാവിനെ നിരീക്ഷണ കേന്ദ്രത്തിലേക്ക് മാറ്റി

കാസര്‍കോട്: കഴിഞ്ഞ ദിവസം കൊവിഡ് 19 സ്ഥിരീകരിച്ച പൈവാളിഗ സ്വദേശി മംബൈയില്‍നിന്ന് തലപ്പാടിവരെ എത്തിയത് ചരക്ക് ലോറിയില്‍. മുംബൈയില്‍ തട്ടുകട നടത്തുന്ന ഇയാളെ കാറിയില്‍ കയറ്റി നാട്ടിലെത്തിച്ചത് പ്രാദേശിക രാഷ്ട്രീയ പാര്‍ടി നേതാവും. തലപ്പാടിയിലെത്തിയ പൈവാളിഗ സ്വദേശിയെ വീട്ടിലെത്തിച്ചത് കൊറോണ പ്രതിരോധ സെല്ലില്‍ അറിയിക്കാതെ. അന്നു വൈകീട്ട് രോഗലക്ഷണ തുടങ്ങി. ഇതോടെ ഈ നേതാവിനും അദ്ദേഹത്തിന്‍റെ ഭാര്യയക്കുമൊപ്പം കാറില്‍ ആശുപത്രിയിലേക്ക് പോയി.

Also Read: വയനാട് കൊവിഡ് സ്ഥിരീകരിച്ചവരില്‍ മലപ്പുറത്തെ പോലീസുകാരനും; ജില്ലയില്‍ ഇന്ന് രോഗം സ്ഥിരീകരിച്ചത് 3 പേക്ക്, വിശദമായി അറിയാം...

കാസര്‍കോട് ജനറലാശുപത്രിയില്‍ വച്ച് പരിശോധനയ്ക്ക് സാംപിളും നല്‍കിയിരുന്നു. മുംബൈയില്‍ നിന്ന് എത്തിയ ആള്‍ക്ക് കൊവിഡ് സ്ഥിരീകരിച്ചതോടെ നേതാവിനെ നിരീക്ഷണ കേന്ദ്രത്തിലേക്ക് ആരോഗ്യവകുപ്പ് അധികൃതര്‍ മാറ്റി. രോഗിയെ ഉക്കിനടുക്കയിലെ മെഡിക്കല്‍ കോളജ് ആശുപത്രിയിലേക്ക് ഇന്നലെ തന്നെ മാറ്റിയിരുന്നു. രോഗം ഏറെ ഭീതി പരത്തുന്ന മുംബൈയില്‍ നിന്ന് 300 ഓളം പേരാണ് ജില്ലയിലെത്തിയത്. എല്ലാവരും ഇപ്പോള്‍ ഹോം ക്വാറന്റയിനിലാണ്.

Also Read: പാലക്കാട് ജില്ലയില്‍ തുറന്നത് 75 ശതമാനം ഷാപ്പുകള്‍: വന്‍ തിരക്ക്, കള്ള് തീര്‍ന്നത് മണിക്കൂറുകള്‍കൊണ്ട്

കൊവിഡ് വ്യാപകമായിട്ടുള്ള ഇടങ്ങളില്‍നിന്ന് ഇവിടേക്ക് കൂടുതല്‍ ആളുകളെത്താന്‍ സാധ്യതയുള്ളതിനാല്‍ അതി ജാഗ്രത വേണമെന്ന് ആരോഗ്യവകുപ്പ് മുന്നറിയിപ്പ് നല്‍കിയിട്ടുണ്ട്.
ജില്ലയില്‍ ഇപ്പോള്‍ ആകെ നിരീക്ഷണത്തില്‍ 1335 പേരാണ് ഉള്ളവര്‍. വീടുകളില്‍ 1130 പേരും ആശുപത്രികളില്‍ 205 പേരുമുണ്ട്. 101 സാമ്പിളുകളുടെ പരിശോധന ഫലം ലഭിക്കാനുണ്ട്. പുതിയതായി 43 പേരെയാണ് ഐസൊലേഷന്‍ വാര്‍ഡില്‍ പ്രവേശിപ്പിച്ചത്. നിരീക്ഷണത്തിലുള്ള 289 പേര്‍ ഇന്ന് നിരീക്ഷണകാലയളവ് പൂര്‍ത്തീകരിച്ചു.