കാസർകോട് (Kasaragod) : കാഞ്ഞങ്ങാട് തീരദേശ പാത ഉദുമ പള്ളത്ത് മീന്‍ ലോറി ബൈക്കിലിടിച്ച് രണ്ട് യുവാക്കള്‍ മരിച്ചു. മലപ്പുറം ഒതുക്കുങ്ങൽ ചെറുകുന്ന് സ്വദേശികളായ മുഹമ്മദ് ഷിബില്‍ (21), ജംഷാദ് (22) എന്നിവരാണ് മരിച്ചത്. ഞായറാഴ്ച പുലർച്ചേ അഞ്ചരയോടെയാണ് സംഭവം. കാഞ്ഞങ്ങാട് ഭാഗത്തേക്ക് മല്‍സ്യവുമായി വന്ന ലോറി യുവാക്കള്‍ സഞ്ചരിച്ച ബൈക്കിലിടിക്കുകയായിരുന്നു.
ഗുരുതരമായി പരിക്കേറ്റ ഇരുവരെയും നാട്ടുകാർ ഉദുമയിലെ സ്വകാര്യ ആശുപത്രിയിലെത്തിച്ചിരുന്നുവെങ്കിലും മരണപ്പെട്ടിരുന്നു. മൃതദേഹങ്ങള്‍ കാസര്‍കോട് ജനറല്‍ ആശുപത്രിയിലേക്ക് മാറ്റി. ഗോവയില്‍ നടന്നുവരുന്ന ഐഎസ്എൽ ഫുട്‌ബോള്‍ മല്‍സര ഫൈനല്‍ കാണുന്നതിനായി പോവുകയായിരുന്നു ഇരുവരും. അപകടത്തിൽ ഇവർ സഞ്ചരിച്ചിരുന്ന ബൈക്ക് പാടെ തകർന്നു. മരണപ്പെട്ടവരുടെ ബന്ധുക്കൾ വിവരമറിഞ്ഞ് കാസർകോട്ടെക്ക് പുറപ്പെട്ടിട്ടുണ്ട്.
Topic: Accident, Uduma Accident, Kasaragod News
ഗുരുതരമായി പരിക്കേറ്റ ഇരുവരെയും നാട്ടുകാർ ഉദുമയിലെ സ്വകാര്യ ആശുപത്രിയിലെത്തിച്ചിരുന്നുവെങ്കിലും മരണപ്പെട്ടിരുന്നു. മൃതദേഹങ്ങള്‍ കാസര്‍കോട് ജനറല്‍ ആശുപത്രിയിലേക്ക് മാറ്റി. ഗോവയില്‍ നടന്നുവരുന്ന ഐഎസ്എൽ ഫുട്‌ബോള്‍ മല്‍സര ഫൈനല്‍ കാണുന്നതിനായി പോവുകയായിരുന്നു ഇരുവരും. അപകടത്തിൽ ഇവർ സഞ്ചരിച്ചിരുന്ന ബൈക്ക് പാടെ തകർന്നു. മരണപ്പെട്ടവരുടെ ബന്ധുക്കൾ വിവരമറിഞ്ഞ് കാസർകോട്ടെക്ക് പുറപ്പെട്ടിട്ടുണ്ട്.
Topic: Accident, Uduma Accident, Kasaragod News